16.9 C
Dushanbe

Боздошти ду тоҷикистонӣ бо иттиҳоми куштор дар Русия

Мақомоти интизомии Русия дар вилояти Тула ду муҳоҷири меҳнатиро боздошт кардаанд, ки дар қатли ваҳшиёнаи як соҳибкори маҳаллӣ ва ғорати амволи ӯ муттаҳам мешаванд. Дар ин бора расонаҳои русӣ хабар медиҳанд.

Акс аз “newstula.ru”

Намояндаи Кумитаи тафтишотии Федератсияи Русия дар нишасти матбуотии худ 18-уми июли соли ҷорӣ хабар дод, ки ин ду муҳоҷир ҳамчунин ҳамсари соҳибкорро ваҳшиёна лату кӯб карда, ба номусаш таҷовуз кардаанд.

“Пас дасту пои ӯро баста, ба ҳавзи шиноварӣ партофтаанд, ки ғарқ шавад. Аммо зан тавонистааст аз об барояд ва ба пулис хабар диҳад”,- гуфта мешавад дар хабар.

Ба иттилои манобеъ, муҳоҷирон гуноҳи худро эътироф намекунанд ва айбро ба дӯши ҳамдигар мепартоянд.

Қаблан хабаре нашр шуда буд, ки 4 июн дар шаҳри Чекалини ноҳияи Суворови вилояти Тула дар як хонаи шахсӣ ду нафари номаълум ба соҳибхона ҳамла карда, маблағи бузургро ғорат кардаанд. Марди 52-соларо дар рӯи ҳавлӣ, дар яке аз ҷуқуриҳои барои қубури об канда дафн кардаанд.
Ҳамсари соҳибкорро латукӯби шадид карда, сипас таҷовуз кардаанд. Ӯро бо корд тарсонида, маҷбур карданд, ки хазина (сейф)-ро кушояд ва тақрибан се миллион рубл, соат ва ҷавоҳиротро ғорат кардаанд.

Гуфта мешавад, яке аз муҳоҷирон 31-сола ва дигаре 18-сола буда, пас аз содир кардани ҷиноят пароканда шуда, якеаш ҳангоми парвоз дар фурудгоҳ боздошт шудааст. Пулис мегӯяд, яке онҳоро аз Маскав ва дигариро аз вилояти Ленинград боздошт кардааст.

Мақомоти Русия ҳардуи онҳоро шаҳрвандони Тоҷикистон гуфтааст, аммо назари худи боздоштшудаҳо ва ё вакили дифоъашон дастрас нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.