33.9 C
Dushanbe

Боздошти ду тоҷикистонӣ дар марзи Лаҳистон

Марзбонони Лаҳистон ду шаҳрванди Тоҷикистонро, ки мехостанд сарҳадро ғайриқонунӣ убур кунанд, дар марзи Лаҳистону Беларус боздошт кардаанд.

Сурат: Хадамоти марзбонӣ

25-уми август, Хадамоти марзбонии Лаҳистон дар саҳифаи твиттериаш хабар дод, ки боздоштшудаҳо бидуни ҳуҷҷат буда, мехостанд аз роҳҳои ғайриқонунӣ сарҳадро убур карда, вориди хоки Лаҳистон шаванд, вале аз ҷониби марзбонон дастгир шудаанд.

Боздошти шаҳрвандони Тоҷикистон дар марзи Лаҳистон дар аввали моҳи ҷорӣ низ гузориш шуда буд. Он замон ‌‌Хадамоти марзбонии Лаҳистон иттилоъ дода буд, ки 1-уми август дар марзи Лаҳистону Беларус дар минтақаи Августов 17 шаҳрванди хориҷӣ: 12 шаҳрванди Афғонистон ва 5 шаҳрванди Тоҷикистонро боздошт кардаанд.  Бо қарори суд ҳамаи боздоштшудаҳо (4 зан, 13 мард, аз ҷумла 2 ноболиғ) дар марказҳои муҳофизати хориҷиён ҷойгир карда шуданд.

‌‌Инчунин гузориш шуда буд, ки дар оғози моҳи апрел 4 сокини Тоҷикистон ва рӯзи 3-уми майи соли ҷорӣ низ дар минтақаи Августов 5 шаҳрванди Тоҷикистонро боздошт кардаанд.

Бино ба иттилои Қӯшунҳои сарҳадии Лаҳистон аз аввали моҳи августи соли ҷорӣ, 3000 ҳолати ғайриқонунӣ убур кардани марзи Белорусу Лаҳистон сабт шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.