18.9 C
Dushanbe

Боздошти як корманди ҷамоат бо иттиҳоми гирифтани пора

Маркази матбуоти агентии мубориза бо коррупсияи ҶТ аз кушодани парвандаи ҷиноятӣ нисбати Ҳурматов Р.Ш. раиси ҷамоати деҳоти Меҳнатободи ноҳияи Кушониён хабар дод.

Ба навиштаи маркази матбуоти агентӣ Ҳурматов Р.Ш бо истифода аз мақомаш ба боварии шаҳрванд Толибов А.Р. даромада барои ҷудо намудани 0.3 га замини наздиҳавлигӣ аз ҳудуди боғи фарҳанги фароғатии ноҳияи Кушониён, 25000 сомонӣ гирифтааст.

Нисбати собиқ раиси Ҷамоати деҳоти Меҳнатободи ноҳияи Кушониён бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, баъд аз тафтишот ба суд ирсол шудааст.

Дар 1 моҳи ахир ин дуюм ҳодисаи боздошти кормандони ҳукумату ҷамоатҳост, ки бо гумони тақсими нодурусти замин ва гирифтани пора барои ҷудо намудани замин боздошт мешаванд.

Пештар аз ин дар ноҳияи Ёвони вилояти Хатлон ду корманди ҳукуматро бо айби даст доштан дар “хилофкорӣ ва тақсими нодурусти қитъаи замин барои бунёди манзили зист” боздошт карданд.

Ин ду боздоштшуда, яке Аскар Набизода, муовини раиси ноҳияи Ёвон ва Хайриддин Саидмуродзода, роҳбари Идораи замини ҳамин ноҳия мебошанд.

Боздошти ин корманди ҳукумату ҷамоъатҳо дар ҳолест, ки солҳои ахир ҳолатҳои ришваситонӣ ҳангоми тақсими замин зиёд дида мешавад. Худи Эмомалӣ Раҳмон дар яке аз сӯҳбатҳояш заминфурӯшии мансабдоронро “дарди бедаво” ном карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.

Сомон Маҳмадбеков барандаи медали биринҷӣ гашт

Сомон Маҳмадбеков, варзишкори шинохтаи тоҷик медали қаҳрамонии ҷаҳонро ба Тоҷикистон овард.

Чин дар истихроҷи ангишт ва газ ба Тоҷикистон кумак мекунад

Мақомоти Тоҷикистон бо мақомоти Чин рӯзи 21-уми майи соли ҷорӣ дар робита ба сармуоягузории ин кишвар дар истихроҷи ангишт ва газ созишнома ба имзо расониданд.