Кормандони пулиси Русия дар вилояти Свердловск як зани 53-солаи шаҳрванди Тоҷикистонро бо гумони қочоқи маводди мухаддир боздошт кардаанд.
Бино ба иттилои SM.News Екатерингбург, ин ҳодиса моҳи июни соли ҷорӣ рух дода, кормандони пулис ин шаҳрванди Тоҷикистонро аз қатори мусофирбарии Маскав – Владивосток дар истгоҳи Шаляи вилояти Свердловск берун оварда, боздошт кардаанд.
Дар хабар гуфта мешавад, ки ин зани тоҷик дар ҷузвдони варзияш 300 грамм маводи мухаддир дошт ва мехостааст онро дар Новосибирск фурӯшад.
Нисбати ин зани тоҷик барои кӯшиши фурӯши ғайриқонунии маводи мухаддир парвандаи ҷиноӣ боз шуда, додситонӣ парвандаро ба додгоҳ фиристодааст.
Назари худи боздоштшуда ва ному насаби ӯ дастраси расонаҳо нест.
