23.9 C
Dushanbe

Бо чӣ ҷурме муовини директори мактаб боздошт шуд?

Муовини директори Муассисаи таҳсилоти миёнаи умумии №35-и ноҳияи Вахш Давлатов Саидалӣ аз ҷониби мақомоти амнияти ноҳия боздошт ва нисбаташ парванда боз шуд.

Акс аз сомонаи “diplomb-24.com”

Бино ба иттилои маркази матбуоти Додситонии кулли Тоҷикистон, Давлатов Сайдалӣ Сунатуллоевич барои додани шаҳодатномаи хатми мактаби миёна ба донишомӯзе, ки умуман таҳсил накардааст, айбдор мешавад.

“Давлатов Сайдалӣ Сунатуллоевич, аз 8 июни соли 2022 дар вазифаи муовини директори Муассисаи таҳсилоти миёнаи умумии №35-и ноҳияи Вахш кор карда, ғайриқонунӣ дидаю дониста, ки Ҳабибзода Шукрона Умаралӣ санаи таваллудаш 09.05 соли 2006 дар синфи 6, 7 ва 8 умуман таҳсил накарда, танҳо аз 01 январи соли 2022 ба синфи 9 рафта таҳсил намудааст, 20 июли соли 2022 бо роҳи сохтакорӣ баҳои азхуднакардаи хонандаро қалбакӣ гузошта, аттестати силсилаи Т-АТА таҳти №1421445 дар бораи таҳсилоти умумии асосӣ навишта, ба Ҳабибзода Ш.У. додааст.”, омадааст дар хабар.

Дар хабар гуфта нашудааст, ки муовини директор барои ин кораш чанд қадар маблағ талаб карда ва ё гирифтааст.

Додситонии кулли Тоҷикистон инчунин Давлатовро дар азхудкунии маводи хӯрокаи Барномаи озуқавории ҷаҳонӣ ба маблағи наздики 27 ҳазор сомонӣ муттаҳам медонад.

Гуфта мешавад “ӯ аз 19.08.2021 сол ҳамчун шахси мутасаддӣ оид ба тақсимоти маводҳои хӯрокаи Барномаи озуқавории ҷаҳонӣ дар МТМУ №35-и ноҳияи Вахш кор карда, дар давраи соли хониши 2021-2022 молу маҳсулоти хӯрокаро ба маблағи 3148,67 сомонӣ, ҷамъ ба маблағи умумии 26731,67 сомониро азонихуд карда, ба манфиати шахсиаш сарф намудааст.”

Вобаста ба ин ҳолатҳо, алайҳи муттаҳам Давлатов Сайдалӣ Додситонии вилояти Хатлон “бо моддаҳои 245 қисми 2 банди “г” ва 323 қисми 1-и ҚҶ Ҷумҳурии Тоҷикистон парвандаи ҷиноятӣ оғоз карда, тифтишотро низ ба охир расондааст.

Додгоҳи ноҳияи Хуросони вилояти Хатлон аз 20 январи соли 2022 Давлатовро “бо моддаҳои 245 қисми 2 банди “г” ва 323 қисми 1-и ҚҶ Ҷумҳурии Тоҷикистон гунаҳгор дониста шуда, ба ӯ ҷазо дар намуди ҷарима 25600 сомонӣ ба фоидаи давлат таъин карда шудааст.”

Додгоҳи ноҳияи Хуросон дар ҳоле Давлатовро ҷазо дар шакли ҷарима ба андозаи 25600 сомонӣ таъйин кардааст, ки маблағҳои азхудкардаи ӯ бештар аз ҷаримаи таъйин кардаи додгоҳ мебошад.

Ба гуфтаи аксари огоҳони умур, дар Тоҷикистон одатан мансабдороне, ки бо иттиҳоми қаллобӣ ва ё ришва боздошт мешаванд, бо шиносбозӣ ва пардохти маблағи рамзӣ худро аз ҷавобгарии ҷиноӣ озод карда, бори дигар сари кори худ бармегарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.