26.9 C
Dushanbe

Боздошти шаҳрвандони Тоҷикистон дар Красноярск

Кормандони полиси шаҳри Красноярск беш аз 3,5 кг ҳероинро мусодира кардаанд ва ду узви гурӯҳе, ки ба паҳн кардани маводи мухаддир машғул буданд, боздошт шудаанд.

Гуфта мешавад, ки пас аз муайян кардани шахсияти гумонбаршудаҳо, ду мард сокини Красноярск ва зодаи Ҷумҳурии Тоҷикистон будаанд ва дар манзиле дар маркази шаҳр дастгир шудаанд, ки онро иҷора мегирифтаанд. Дар ин бора рӯзи чоршанбе хадамоти матбуоти Сарраёсати ВКД дар қаламрави Красноярск хабар дод.

Пулис мегӯяд, гумонбаршудаҳо ҳероинро ба тариқи тамос мефурӯхтанд. Ҳангоми кофтукоб дар манзили гумонбаршудаҳо полис як маводи рангаш зард, тарозуи электронӣ, телефонҳои зиёди мобилиро пайдо намуда мусодира карда аст.

Ба навиштаи торнамои хабаргузории ТАСС муойина нишон дода, ки маводи рангаш зард, ки аз аъзои ин гурӯҳи созмонёфтаи этникӣ мусодира шуда буд ҳероин бо вазни беш аз 3,5 кг буда аст. Тибқи ҳисобҳои пешакӣ, арзиши он дар бозори сиёҳ метавонад аз 10 миллион рубл зиёд бошад.

Хадамоти матбуотии пулиси Красноярск мегӯд, ки нақшҳо дар байни гурӯҳ тақсим карда шудаанд. Яке аз онҳо як миқдори доруро дар ҷойҳои баҷоӣ ҷойгир мекунад ва шарики ӯ масъули ҳамоҳангкунӣ буда аст, ки аз тариқи телефон шахсони даркориро ба он ҷойҳо роҳнамоӣ мекарда аст. Ҳарду аъзои гурӯҳ боздошт шудаанд.

Бо дархости пешакӣ онҳо ба ҳабс гирифта шуда аз рӯи моддаи Кодекси ҷиноии Федератсияи Русия (“Кӯшиши фурӯши маводи мухаддир бо ҳаҷми махсусан калон”) парвандаи ҷиноятӣ боз шудааст.

Бояд гуфт, ки ВАО дар Русия дар ҳолати хориҷӣ будани гумонбаршудаҳо дар кадом қонуншикание, ҳатман ба вобастагии этникии гумонбарҳо таъкид мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид. 

Истеъфои сармуррабии футбол

Сармураббии дастаи пуровазадори "Регар-ТадАЗ"-и шаҳри Турсунзода аз мақомаш истеъфо дод.