Дар шаҳри Бохтар як сокини маҳаллӣ бо гумони фиреб додани шаҳрвандон боздошт шуд.
Гумонбар, ки Садулоев Қодир ном бурда мешавад, бо ваъдаи гирифтани визаи корӣ ба Англия аз сокинон маблағ гирифта, вале ба ваъдааш амал накарда, пули шаҳрвандонро барои фоидаи шахсии худ сарф кардааст. Ӯ бо 20 ҳолати ҷиноятӣ айбдор дониста мешавад.
Садулоев дар чанд марҳила аз ҳар як ҷабрдида аз 8 ҳазор то 20 ҳазор сомонӣ гирифта, дар маҷмуъ 200 ҳазор сомонӣ бо шаҳрвандон зарар овардааст.
Мақомот мегӯянд, нисбати Садулоев Қодир тибқи моддаи 247, қисми 2-и Кодекси ҷиноятии Тоҷикистон парванда боз шудааст.
Ин ҳодиса бори дигар нишон медиҳад, ки дар пайи шароити сахт ва рӯзгори пурмушкил дар Русия, муҳоҷирони тоҷик талош доранд ба кишварҳои Аврупо ва Амрико барои ёфтани ризқу рӯзӣ ва зиндагии беҳтар раванд. Ин гуна фиребкорӣ на танҳо зарари молӣ ба бор меорад, балки боварии муҳоҷиронро ба роҳҳои қонунӣ ва созмонҳои хидматрасон низ коста мекунад.
