28.9 C
Dushanbe

Бозори “Деҳқон”-и Гипрозем оташ гирифт

Акс аз навори ҳангоми сӯхтор

Бозори “Деҳқон”-и шаҳри Душанбе, ки дар маҳаллаи Гипроземи ноҳияи Сино кучаи Борбад-15 ҷойгир аст, шаби гузашта ба коми оташ рафт. Дар ин бора наворе дар саҳифаи фейсбукии “Parviz TV” нашр шуд, ки аз оташ гирифтани бозори мазкур хабар дод.

Сӯбҳи имрӯз Вазорати корҳои дохилаи Тоҷикистон гузориш дод, ки сӯхтор дар ин бозор 22-юми июли соли 2020, соати 00:29-дақиқа рух додааст. Ҳаҷми сӯхтор 134 метри мураббаъ буда, он 16 нуқтаи савдоро пурра ва 8 дукони дигарро қисман фаро гирифтааст. ВКД мегӯяд, эҳтимоли паҳн гардидани алангаи оташ ба дигар биноҳои дар шафати бозори «Деҳқон» буда зиёд буд ва хушбахтона саривақт хомӯш карда шуд.

Сӯхторхомӯшкунон соати тақрибан 01:30 тавоноситаанд алангаи оташро ба пуррагӣ хомӯш кунанд. Вазорати корҳои дохилаи Тоҷикистон зарари расонидашуда аз ҳодисаи сӯхторро тақрибан 35000 сомонӣ арзёбӣ кард. Ҳангоми хомӯш намудани сӯхтор ба маблағи зиёда аз 15 миллион сомонӣ молу амволи фурӯш ва биноҳои ҳамшафат аз коми оташ наҷот дода шуд.

ВКД сабаби ин ҳодисаро риоя накардани қоидаҳои бехатарӣ аз сӯхтор гуфтаанд.

“Сабаби сар задани сӯхтор вайрон намудани қоидаҳои бехатарӣ аз сӯхтор ҳангоми истифодабарии яхдон дар нуқтаи савдои №42, ки ба соҳибкори инфиродӣ Идиев Дилшод Ҳақдодович, сокини шаҳри Душанбе, мансуббуда мебошад”.

Таҳқиқи ҳодисаи сӯхтор идома дорад.

#Срочно Худи хозир соати 00:40 Дехконбозор воке дар Гипроземи Шахри Душанбе сухтаистодааст.

Gepostet von Парвиз Парвиз am Dienstag, 21. Juli 2020

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафари кории хабарнигрони AZDA TV ба Норвегия

Гузориши кӯтоҳе аз сафари ҳайати Azda TV ба Норвегия ва иштирок дар "Форуми Озодии Осло 2024"

Манъи пӯшидани “ниқоб” дар Русия

Вакилони парлумони Русия лоиҳаи конун дар бораи манъи пӯшидани либосҳое, ки чеҳраро пинҳон мекунад, барои баррасӣ ба ҳукумат фиристодаанд.

Даҳҳо зиндонии қирғиз дар Тоҷикистон

Мақомоти адлияи Қирғизистон мегӯянд, ки даҳҳо нафар аз шаҳрванди ин кишвар дар зиндонҳои Тоҷикистон ба сар мебаранд.

Боздошти 8 тоҷик дар Амрико бо гумони ҳамкорӣ бо ДИИШ

Рӯзи сешанбе, 11-уми июни соли ҷорӣ мақомоти Амрико 8 шаҳрванди Тоҷикистонро бо иттиҳоми иртибот бо ДИИШ боздошт карданд.