28.9 C
Dushanbe

Бунёди “Бузургмеҳр” аз мақомоти Олмон хост фаъоли тоҷикро ихроҷ накунанд

Бунёди “Бузургмеҳр” бо нашри баёнияе аз мақомоти салоҳиятдори Ҷумҳурии Федеративии Олмон хостааст, ки  фаъоли тоҷик Абдуллоҳи Шамсиддинро ба Тоҷикистон ихроҷ накунанд.

Бунёди “Бузургмеҳр” бо нашри изҳороти худ  режими ҳукмрон дар Тоҷикистонро диктаторӣ номида, мегӯяд, ки дар Тоҷикистон фаъолияти мухолифон ва ҳар гуна талош барои демократия муҷозоти шадид дорад.

Дар баёния гуфта шудааст, ки Абдуллоҳи Шамсиддин ба далели писари Шамсиддини Саид, узви аршади Ҳизби наҳзати исломии Тоҷикистон будан, баробари ба Тоҷикистон ихроҷ шудан бо боздошт, шиканҷа ва ба солиёни дарози зиндон рӯ ба рӯ хоҳад шуд.

Бунёд инчунин менависад, ки “Азбаски дар кишвар додгоҳи мустақил ва адвокатӣ вуҷуд надорад ва ҳамчунин фишор болои рӯзноманигорон ва наздикони мухолифони боздоштшуда ё наздикони онҳо вуҷуд дорад, имкони пайгирии сарнавишти Абдуллоҳи Шамсиддин вуҷуд надорад. Мақомот дар бораи ин гуна парвандаҳои ҷиноӣ изҳори назар намекунанд ва мурофиаҳо пушти дарҳои баста сурат мегиранд.”

Пештар аз ин Маркази ҳуқуқи башари Тоҷикистони мустақар дар Вена ба Дафтари ҳуқуқи башари СММ дар Женева нома фиристода, хоста буд, ки ба қазияи ихроҷи Абдуллоҳи Шамсиддин аз Олмон ба Тоҷикистон расидагӣ кунанд. Чун дар сурати ихроҷи Абдуллоҳи Шамсиддин ба Тоҷикистон ӯ ба мисли Ҳизбуллоҳ Шовализода ба маҳзи вуруд боздошт ва шиканҷаву зиндонӣ хоҳад шуд.

Ёдовар мешавем, ки кишвари Утриш моҳи марти соли 2020 Ҳизбулло Шовализода, як паноҳанда дар ин кишварро ба Тоҷикистон ихроҷ кард, ки баробари расидан мақомоти тоҷик ӯро боздошт карда ба 20 соли зиндон маҳкум карданд.  

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафари кории хабарнигрони AZDA TV ба Норвегия

Гузориши кӯтоҳе аз сафари ҳайати Azda TV ба Норвегия ва иштирок дар "Форуми Озодии Осло 2024"

Манъи пӯшидани “ниқоб” дар Русия

Вакилони парлумони Русия лоиҳаи конун дар бораи манъи пӯшидани либосҳое, ки чеҳраро пинҳон мекунад, барои баррасӣ ба ҳукумат фиристодаанд.

Даҳҳо зиндонии қирғиз дар Тоҷикистон

Мақомоти адлияи Қирғизистон мегӯянд, ки даҳҳо нафар аз шаҳрванди ин кишвар дар зиндонҳои Тоҷикистон ба сар мебаранд.

Боздошти 8 тоҷик дар Амрико бо гумони ҳамкорӣ бо ДИИШ

Рӯзи сешанбе, 11-уми июни соли ҷорӣ мақомоти Амрико 8 шаҳрванди Тоҷикистонро бо иттиҳоми иртибот бо ДИИШ боздошт карданд.