4.9 C
Dushanbe

Бунёди “Бузургмеҳр” ҳукми Ораз Вазирбековро дорои ангезаҳои сиёсӣ ва беасос номид

Бунёди “Бузургмеҳр” бо нашри баёнияе ба 16 соли зиндон маҳкум шудани Ораз Вазирбековро маҳкум карда, ин фаъоли зодаи Бадахшонро зиндонии сиёсӣ номидааст.

Акс аз сомонаи Бунёди “Бузургмеҳр”

Бунёди “Бузургмеҳр” созмони ҳуқуқие, ки аз ҷониби пайвандони маҳбусони сиёсии тоҷик дар Аврупо ташкил шудааст, рӯзи 7-уми ноябр бо нашри баёние ҳукми Ораз Вазирбековро дорои ангезаҳои сиёсӣ ва беасос номида, аз мақомоти Тоҷикистон талаб намудааст, ки ин фаъолро фавран озод кунанд.

Дар идома Бунёд аз мақомоти Тоҷикистон даъват намудааст, ки таҷрибаи фишор болои фаъолони ҷамъиятӣ, баргузории мурофиаи додгоҳӣ дар боздоштгоҳҳо паси дарҳои бастаро қатъ намуда, даст аз фишор болои адвокатҳову наздикони маҳбусон бардоранд ва ба расонаҳо имкон диҳанд, ки дар бораи рафти ин гуна мурофиаҳо сари вақт ба мардум хабар диханд.

Ёдовар мешавем, ки додгоҳи шаҳри Душанбе рӯзи 5-уми ноябр Ораз Вазирбеков, фаъоли зодаи Бадахшонро ба 16 соли зиндон маҳкум кард. Мурофиаи Вазирбеков дар Боздоштгоҳи мувақатӣ бе ҳузури наздикону пайвандонаш баргузор шудааст.

Мақомот ин фаъоли зодаи Бадахшонро бар асоси қисми дуи моддаи 307-и (тундгароӣ бо истифода аз Интернет) ва моддаи 187-и Кодекси ҷиноятии Ҷумҳурии Тоҷикистон (ташкили иттиҳодияи ҷиноятӣ) ва “азхудкунии маблағ” муттаҳам кардаанд.

Яке аз пайвандони Ораз Вазирбеков дар суҳбат бо Радиои Озодӣ гуфтааст, ки “Ораз худро бегуноҳ медонад ва мехост, парвандааш одилона таҳқиқу муҳокима шавад, вале мақомоти тафтишотӣ ба ин аҳамият намедоданд.”

Пайвандонаш низ ӯро бегуноҳ медонанд ва то ҳол тасмим нагирифтаанд, ки аз болои ҳукм шикоят мебаранд ё не.

Дар охирҳои моҳи июли соли ҷорӣ Ораз Вазирбеков ҳамроҳи фаъоли дигари зодаи Бадахшон Рамзӣ Вазирбеков аз Маскав рабуда шуда буданд ва чанде баъд дар наворе хабар доданд, ки дар Тоҷикистон назди кормандони интизомии кишвар қарор доранд.

Онҳо шаҳрвандии Русияро доранд ва пеш аз боздошташон ба мақомоти ин кишвар муроҷиат карда буданд, ки ҷони онҳо дар хатар аст ва эҳтимоли дуздидану ба Тоҷикистон бурданашон вуҷуд дорад.

Рамзӣ ва Ораз Вазирбековҳо дар шабакаҳои иҷтимоӣ аз нақзи ҳуқуқи башар дар Тоҷикистон ошкоро интиқод мекарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба Тоҷикистон наомад

Ҳамлагари шинохтаи пуртуғолӣ ва бозигари бошгоҳи "Ал-Наср"-и Арабистони Саудӣ Криштиану Роналду ба Душанбе наомад. 

Арабистон $100 миллион ба Тоҷикикстон қарз медиҳад

Фонди Саудии Рушд барои идомаи сохтмони тарҳи Нергуҳои барқи...

Вокунишҳо ба шиканҷаи навраси ноболиғе дар Душанбе

Сабти навори шиканҷаи навраси ноболиғе дар шаҳри Душанбе мавҷи вокунишҳоро дар ҷомеа ба вуҷуд овардааст, вале мақомот то ҳол ин қазияро шарҳ надодаанд.

Баррасии ҳамкориҳои Тоҷикистону Арабистон

Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.