26.9 C
Dushanbe

Бунёди оромгоҳи рамзии Мавлоно дар ноҳияи Ҷалолиддини Балхӣ

Ҷалолиддини Балхӣ зодаи ноҳияи Ҷалолиддини Балхӣ набуда, балки ба гуфтаи Эмомалӣ Раҳмон “Ҷалолиддини Балхӣ дар ноҳияи Вахши Тоҷикистон таваллуд шудааст.”

Имрӯз, 21-уми марти соли ҷорӣ Эмомалӣ Раҳмон дар маросими ифтитоҳи оромгоҳи рамзии Ҳазрати Мавлоно Ҷалолиддини Балхӣ дар ноҳияи Ҷалолиддини Балхӣ гуфт: “Ҷалолиддин Муҳаммад ибни Баҳоуддин Муҳаммад ибни Ҳусайн Хатибии Балхӣ, соли 1207 дар ноҳияи Вахши Тоҷикистон таваллуд шуда, яке аз бузургтарин олимон ва шоирони равияи тасаввуфи халқи тоҷик аст.”

Пеш аз ин бо дастури Эмомалӣ Раҳмон як қабза хок аз мақбараи аслии Ҷалолиддини Балхӣ аз Туркия ба Тоҷикистон оварда буданд ва дар масоҳати 50 метри мураббаъ барои Ҷалолиддин Балхӣ дар ноҳияи Ҷалолиддини Балхӣ оромгоҳи рамзӣ бунёд карданд.  

Котиботи Матбуоти Президенти Тоҷикистон дар бораи ҷузъиёти ин мақбара мегӯяд, ки он дар ҳудуди “Гулгашти Балхӣ” ҷойгир буда “дар масоҳати 50 метри мураббаъ бунёд гардида, деворҳои он бо нақшу нигори қадима, ки ба давраи зиндагии шоир хос аст, оро ёфтааст. Баландии бино 5 метр буда, корҳои бунёдӣ аз ҷониби сохтмончиёни ватанӣ анҷом дода шудааст. Роҳрав ва саҳни оромгоҳ бо тахтасангҳо зебо гардонида шуда, гулу буттаҳои ороишию сояафкан аз қисматҳои сабзкории оромгоҳ ба ҳисоб меравад.”

Гуфтанист, ин бори аввал нест, ки дар Тоҷикистон барои яке аз адибони шинохтаи миллат мақбараи маҷозӣ ва ё оромгоҳӣ рамзӣ бунёд мекунанд, балки дар гузаштаи на чандон дур дар шаҳри Хуҷанди вилояти Суғд низ мақбараи Камоли Хуҷандӣ сохта шуда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.