Ҷабҳаи муқовимати миллии Афғонистон бо нашри эъломияе шоиот дар бораи нишасти ин ҷабҳа бо Гурӯҳи Толибон дар Душанберо рад кард.
Ҷабҳаи муқовимати миллии Афғонистон бо раҳбарии Аҳмади Масъуд, писари Аҳмадшоҳ Масъуд дар сомонаи расмии худ навишта, ки гузоришҳо дар бораи гуфтугӯ миёни Ҷабҳаи муҷовимати миллӣ ва гурӯҳи Толибон дар Тоҷикистон воқеият надорад.
“Ҷабҳаи муқовимати миллӣ ҳамвора сулҳи пойдор, воқеӣ ва иззатмандро роҳҳалли асосӣ барои муъзали кишвар медонад. Аммо Гурӯҳи Толибон монанди гузашта эътиқода ба музокира ва сулҳ надошта ва ба давоми қудрати номашруъи хеш аз тариқи зӯр таъкид мекунанд, ки бо гузашти ҳаррӯз чеҳраи зишти ин гурӯҳ ба минтақа ва ҷаҳониён ошкортар мегардад”, омадааст дар эъломияи ҶММ.
Ёдовар мешавем, ки чандест дар расонаҳо хабарҳо аз баргузории як нишасти бузурги ҶММ ва чеҳраҳои саршиноси Афғонистон бо ҳузури намояндагони Толибон дар Тоҷикистон нашр мешавад. Аммо замони баргузории ин нишастро касе дақиқ намегуфт, ки инак ин шоиот аз ҷониби ҶММ расман рад шуд.