Ҷаласаи навбатии Шӯрои СПАД баргузор мешавад
Ҷаласаи навбатии Шӯрои Созмони Паймони Аҳдномаи Амнияти Дастаҷамъӣ (СПАД ) дар бораи ҷамъбасти фаъолияташ дар соли 2020 ва вазифаҳо барои соли 2021 тариқи онлайн баргузор мегардад.
Бино ба гузориши ТАСС, Станислав Зас, дабири кулли СПАД дар нишасти Шӯро оиди фаъолиятҳои сиёсати хориҷии ин созмон, рушди низомии он, муқобила бо чолишҳо ва таҳдидҳои муосир, инчунин омодагии нерӯҳои посдори сулҳ барои ширкат дар амалиёти ҳифзи сулҳи таҳти сарпарастии СММ сӯҳбат хоҳад кард.
Созмони Паймони Амнияти Дастаҷамъӣ як созмони минтақавии байналмилалӣ мебошад, ки Арманистон, Беларус, Қазоқистон, Қирғизистон, Русия ва Тоҷикистон шомили он ҳастанд.
Гуфта мешавад, чорабинии мазкур онлайн баргузор мешавад ва намояндагони ВАО метавонанд бо аккредитатсияи пешакӣ аз фосилаи дур ширкат варзанд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.