36.9 C
Dushanbe

Ҷаласаи навбатии Шӯрои вазирони хориҷии давлатҳои аъзои СААД дар Душанбе

Рӯзи 19 майи соли ҷорӣ дар Душанбе ҷаласаи навбатии Шӯрои вазирони корҳои хориҷии давлатҳои узви Созмони Аҳдномаи Амнияти Дастаҷамъӣ баргузор мегардад.

Ин ҷаласа таҳти раҳбарии вазири корҳои хориҷии Тоҷикистон, Сироҷиддин Муҳриддин ва бо иштироки вазирони корҳои хориҷии Арманистон, Беларус, Қазоқистон, Қирғизистон ва Русия барпо мегардад. Ҳамчунин гуфта мешавад, дар ин ҷаласа дабири кулли СААД Станислав ширкат хоҳад кард.

Бино ба иттилои хадамоти матбуоти ВКХ-и Тоҷикистон дар ин ҷаласа ҳолат ва дурнамои рушди амнияти байналмилалию минтақавӣ ва таъсири он ба амнияти кишварҳои узви СААД мавриди баррасӣ қарор хоҳанд гирифт.

Инчунин Нақшаи машваратҳо дар умури масоили сиёсати хориҷӣ, амният ва мудофиа барои нимаи дуюми соли 2021 — нимаи аввали соли 2022 ва Нақшаи чорабиниҳо ба муносибати 30-солагии имзои Созишнома дар бораи амнияти дастаҷамъӣ ва 20-умин солгарди таъсиси СААД баррасӣ хоҳанд шуд.

Гуфта мешавад, ки пеш аз оғози ҷаласаи мазкур, вазирони корҳои хориҷиро, раиси Шӯрои амнияти дастаҷамъии СААД, ки имсол раисии онро Эмомалӣ Раҳмон ба уҳда дорад,  ба ҳузур мепазирад.

Созмони Паймони Амнияти Дастаҷамъӣ аз тарафи ҷумҳуриҳои собиқ шӯравӣ 15 майи соли 1992 ташкил шудааст. Ба ин созмон Арманистон, Беларус, Қазоқистон, Қирғизистон, Русия ва Тоҷикистон узв мебошанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Фишор болои наздикони фаъолони зодаи Бадахшон

Мақомоти Тоҷикистон фишор болои хонаводаҳои зодагони Вилояти Мухтори Кӯҳистони Бадахшонро, ки дар хориҷ аз Тоҷикистонанду дар ҷустуҷӯ қарор доранд, сахттар кардааст.

Тазоҳуроти фаъолон дар Олмон: Ҳамкорӣ бо Тоҷикистон қатъ шавад!

Гурӯҳе аз фаъолон дар Олмон бо баргузории тазоҳурот ва дархости озодии Абдуллоҳи Шамсиддин, хостори қатъи ҳамкорӣ бо Тоҷикистон шуданд.

Муттаҳидони Русия ҳамлаҳои Исроил ба Эрон ва Ғаззаро маҳкум карданд

Раҳбарони кишварҳои узви гурӯҳи БРИКС дар як баёнияи муштарак...

Боздошти ду ҷавони тоҷик дар Русия бо иттиҳоми озори ноболиғон

Пас аз баргузории ҷашнвораи фарҳангии тоҷикон дар шаҳри Красноярски Русия, ду ҷавони тоҷик бо иттиҳоми озору азияти ду духтари 14-сола боздошт шудаанд.