32.9 C
Dushanbe

Ҷанҷоли муҳоҷирон дар Маскав

Дар ҷанубу шарқи Маскав пас аз як занозании оммавӣ байни муҳоҷирони меҳнатӣ 10 нафар боздошт шуд.

Скриншот аз навори видеоии дафтари матбуоти ВКД Маскав

Бино ба иттилои Дафтари матбуоти Сарраёсати ВКД Маскав, ҳодисаи занозании муҳоҷирон дар ноҳияи Некрасовка дар наздикии як сохтмон ба вуқӯъ пайваста, дар натиҷа 10 нафар боздошт шуданд.

Мақомот мегӯяд, дар байни ин 10 нафари боздошт шуда, 3 сокини маҳаллӣ низ ҳузур дорад. Дар бораи ҳуввияти иштирокчиёни муноқиша, таърих ва замони ин ҳодиса маълумот дода нашудааст. Аммо ВКД-и Русия меафзояд, ҳамаи иштирокчиёни ин ҷангро ба ҷазои маъмурӣ дар намуди ҷарима аз 500 то 1000 рубли русӣ маҳкум кардааст.

Аммо дар навори видеоие, ки аз дурбини назди бино сабтшуда дида мешавад, ҳодиса шабона рух додааст ва иштирокчиёни он бештар аз 10 нафарро ташкил медиҳанд.

Қаблан дафтари матбуоти ВКД Русия дар Маскав хабар дода буд, ки дар яке аз хобгоҳҳои Маскав дар кӯчаи Адмирал Корнилов муноқишаи дигаре ба вуқуъ пайваста буд, ки он дар дурбини биноҳои маҳаллӣ сабт шуда, 20 муҳоҷир боздошт, дасти кам нисбати 5 нафар ҳукми ихроҷ (депортатсия) аз Русия содир шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.