Иттиҳодияи Аврупо мехоҳад Қатъномаи соли 1951 дар бораи паноҳҷуёнро бознигарӣ кунад.
Ин Қатънома кишварҳоро аз напазируфтан ва бозпас фиристодани паноҳҷуён ба кишварҳое, ки онҳоро хатар таҳдид мекунад, боз медорад. Ин тағйирот метавонад яке аз муҳимтарин тағйирот дар сиёстаи муҳоҷирати Аврупо дар даҳсолаи ахир бошад.
Ба навиштаи The Times, дар Аврупо бар ин боваранд, ки Қатъномаи мазкур дигар чандон ба дард намехӯрад, зеро он пас аз ҷанги дуюми ҷахонӣ таҳия шуда, ниёз ба бознигарӣ дорад.
“Лозим ба зикр аст, ки ин қатънома дар шароити комилан мухталиф таҳия шуда буд, ки имрӯз ба вазъити геополитикӣ комилан мувофиқ нест”, омадааст дар хабар.
Бояд гуфт, ки ин Қатънома дар соли 1951 таҳия шуда, аз сӯи 144 кишвари дунё қабул шудааст. Он таъаҳҳудоти қонунии кишварҳоро дар барои ухдадориҳо ва напазируфтани паноҳҷӯён муайян мекунад.
Ҳоло кишварҳои узви Иттиҳодияи Аврупо бо муҳоҷирати афзоянда рубарӯ шудаанд, ки миллионҳо паноҳҷӯ дар ин кишварҳо талаби паноҳандагӣ кардаанд. Аз сӯи дигар Аврупо ҳазорҳо паноҳҷӯе, ки ба талаби панохандаигяишон ҷавоби рад гирифтаанд, наметавонад ихроҷ кунад.
Ҳамчунин гуфта мешавад, теъдоди дархостҳои паноҳандагӣ дар Иттиҳодияи Аврупо ҳамчунон зиёд арзёбӣ мешавад. Танҳо соли гузашта шумори онҳо беш аз як миллион нафар будааст. Ин қисман боис шуда, ки норозигии мардум аз ин низом бештар шавад ва ҳамчунин сафи тарафдорони ҳизбҳои миллатгаро ва радикалии популистӣ дар саросари Аврупо афзоиш ёбад.
Ҳамзамон таъкид мешавад, ки “баъзе муҳоҷирон ба ҷомеаи мизбон мутобиқ намешаванд, балки ба ҷои он ҷомеаҳои алоҳида ташкил мекунанд, ки дар онҳо меъёрҳо ва қоидаҳои аз арзишҳои аврупоӣ дуршуда метавонанд парвариш карда шаванд”.
Бояд дар бораи баргардонидани афроде, ки ба амнияти давлат таҳдид мекунанд ё собиқаи ҷиняткорӣ доранд ва хусусан агар ҳаққи иҷозати доимро гирфтаанд, ба кишварҳо сеюм андешида шавад.
Ҳамингуна гап дар бораи на ҳамаи муҳоҷирон, балки афроде, ки ба талаби паноҳҷуӣ ҷавоби рад гирфитаанд ё ҷиноят содир кардаанд, меравад.
Масъалаи муҳоҷират ҳоло ба яке аз мушкилоти асосӣ кишварҳои узви Иттиҳоди Аврупо табдил ёфта, ҷузъи барномаҳои пешазинтихотии аҳзоб, бахусус ҳизбҳои муҳофизакор гаштааст. Ҳамзамон ин падида фурсати бештареро барои пешсаф шудан дар рақобатҳои интихоботӣ ба ин ҳизбҳо низ додааст.
