21.9 C
Dushanbe

Чаро даргириҳои марзӣ байни Тоҷикистону Қирғизистон хотима намеёбад?

Чанде пеш вобаста ба авҷ гирифтани танишҳои марзӣ байни Тоҷикистону Қирғизистон Маскав пешниҳоди миёнҷаигарӣ карда буд. Аммо ин ду кишвар пешниҳоди Маскавро рад карданд. Ва даргириҳорои байнисарҳадиро мушкилоти дохилии худ хонда иброз намуданд, ки дар ин қазия ба миёнҷигарии Маскав зарурате надоранд.

Дар рӯзҳои гузашта Вазорати корҳои хориҷаи Тоҷикистон дар вокуниш ба пешниҳоди Маскав нотаи эътирозӣ фиристода дахолати Маскавро дар ин қазия напазируфт.Ҳамзамон ВКХ Қирғизистон низ да паёми худ иброз дошт, ки ин масъала сирф мушкилоти дохилии ин ду кишвар аст ва роҳи ҳал бо гуфту шунидҳо ҳал хоҳанд шуд.

Биноба хабаргузории “Форс” дар ин росто бо муқоиса бо паёми Қирғизистон вокуниши ВКХ Тоҷикистон лаҳни шадидтаре дошт. Чуноне, ки дар нотаи эътирозӣ омадаст: “Мушкилоти марзии Қиғизистону Тоҷикистон дар нишасти ахири Созмони Аҳдномаи амнияти дастаҷамъӣ матраҳ нашуда ва масоили марбут ба аломатгузории марзҳои кишварҳои узви созмони мазкур умури дохилии он кишварҳост ва танҳо дар сатҳи дуҷониба баррасӣ мешавад ва дахолати тарафи саввум дар ин раванд лозим нест”.

Аммо коршиноси масоили сиёсии Русия Александр Кинязов, дар робита ба ин масъала ибрози андеша намуда гуфтааст, ки ҳалли масоили марзии Қирғизистону Тоҷикистон дар чорчуби ихтиёроти СААД нест ва созмон ба ҳалли ин мушкилот кумак карда наметавонад. Ӯ афзудааст, Русия барои он қодир аст ин мушкилотро бартараф намояд, ки дар хазина (архив)-ҳои он нақшаҳо ва санадҳои марбут ба марзҳои ин ду кишвар вуҷуд дорад.

Ҷаноби Князев дар робита ба эътирози шадидулаҳни кишварҳои ҳамсоя баён доштааст, ки ҳарду тараф дар масъалаи истиқлолашон нигарон нестанд, балки онҳо аз шиддатнокии вазъият дар марзҳои муштарак манфиатдоранд.Ин коршинос ба асли масъала ишора намуда мегӯяд: “Ин даргириҳо маъмулӣ нестанд, балки дар он раванди эҷоди таассуби миллӣ хашин (носиюнолисм) и зидди тоҷикӣ дар Қирғизистон ва зидди қирғизӣ дар Тоҷикистон нақш дорад ва албатта, ҳузури нухбагони сиёсӣ низ дар раванд баъид нест”.Вай афзудааст, ки илова бар ин дар он минтақа гурӯҳҳои ҷиноӣ бо ҳамкории ниҳодҳои давлатӣ роҳҳои қочоқро дар даст доранд ва назорат мекунанд, ки албатта, хоҳони оддӣ сохтани вазъият дар марзҳо нестанд.

Ёдовар мешавем, ки тай чанд соли ахир пайваста дар марзи ин ду кишвар байни сокинони деҳаҳои наздик ва ҳатто марзбонон даргириҳо рух медиҳад, бо вуҷуди онеки президентҳои ин ду кишвар барои ҳалли масъала дидору гуфтугӯ доштанд, аммл мушкилоти ҷойдошта ҳалли худро наёфт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даргузашти генерал Ғайрат Адҳамов

Генерал Ғайрат Адҳамов, яке аз собиқ қумандонҳои мухолифини ҳукумати Эмомалӣ вафот кард.

Шикасти Инглистон дар муқобили Испониё

Мунтахаби миллии футболи Испониё дар муқобили тими миллии Инглистон пирӯз шуд.

Раиси Ҳизби сотсиалистиро ҳам аз вазифа барканор кардан мехоҳанд

Мақомоти болоии Ҳибзи сотсиалистии Тоҷикистон гуфтаанд, ки дар Анҷумани...

Эълони мукофотҳо барои иштирокчиёни бозиҳои олимпӣ

Дар бозиҳои тобистонаи олимпӣ-2024 дар шаҳри Парижи Фаронса 14...