20.9 C
Dushanbe

Чаро ҳеч масъуле дар Ваҳдат ба ҳоли мардум таваҷҷуҳ намекунд?

Бӯи бади корхонаи истеҳсоли “комбикорм” (коркарди эму хӯрок барои ҳавоноти хонагӣ) дар деҳаи Холмуродии шаҳри Ваҳдат сокинони чанд деҳаро азият медиҳад.

Сокинони деҳаҳои наздик ба ин корхона шикоят доранд, ки бӯи бади ин корхона чандин деҳаи гирду атрофро фаро гирифтааст ва ҳатто, ба гуфтаи онҳо, нафаскашӣ баъзан вақт душвор мегардад, вале бо вуҷуди муроҷиатҳои зиёд ҳеч мақомдоре наметавонад ин мушкилиро бартараф кунад.

Як манбаъ аз шаҳри Ваҳдат бо шарти зикр нашудани номаш ба Azda TV гуфт, “кадом мақомдори баландпояе дар деҳаи Холмуродии шаҳри Ваҳдат як корхонаи истеҳсоли “комбикорм” сохтаст. Касе соҳиби аслии онро намешиносад. Ин корхона мурғҳои мурда ва устугонҳои хару гову дигар ҳавонотро коркард намуда, ба сабус табдил медиҳад ва сипас ин маҳсули худро ҳамчун хӯрок барои мурғон ба корхонаҳои мурғпарварӣ бурда медиҳад.”

Манбаъ мегӯяд, мушкилии ҷиддӣ барои сокинон он аст, ки “ин корхона он қадар бӯйи баду нохушро дар гирду атроф паҳн мекунад, ки аксари мардум ҳангоми баромадан ба берун даҳону бинияшонро бо рӯймол мепӯшонанд. Ин бӯи бад сокинони деҳаҳои Лақайбегӣ, Гурхӯрда ва Ескигузарро се сол боз сахт азоб медиҳад.”

“Бӯй чунон сахт аст, агар ягон нафар меҳмон шавад мепурсад, ки ин чӣ бӯ аст? Мегӯӣ, ки бӯи ҳамин корхона аст. Мегӯяд, ки ба прокуратура надодед? Вале намедонад, ки дарди моро касе намешунавад.” мегӯяд манбаъ.

Ба гуфтаи ин сокини шаҳри Ваҳдат, ба ниҳодҳои дахлдор муроҷиат кардаанд, вале касе чора намеандешад. Ӯ гуфт: “Мо сокинони ин деҳаҳо чандин маротиба ариза навиштем. Шахсан худам имзо ҷамъ кардам, аммо гапамон намегузарад.”

Ҷустуҷӯи Azda TV барои пайдо кардани соҳиб ё яке аз масъулини ин корхона бенатиҷа буд. Ва агар ҳар хонанде дар ин бора маълумоти дақиқтаре дошта бошад, лутфан барои такмили хабар маълумотро ба нишонии мо бифиристанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.