-4.6 C
Dushanbe

Имсол воридоти орд ба Тоҷикистон 44% бештар будааст. Пас чаро гаронтар шуд?

Бино ба иттилои Агентии омори назди Президенти Тоҷикистон давоми моҳҳои январ-октябри соли равон беш аз 73 ҳазор тонна орд ба Тоҷикистон ворид карда шудааст, ки ин нишондиҳанда нисбат ба ҳамин давраи соли гузашта 44 % зиёдтар мебошад.

Дар хабар гуфта мешавад, ки ин миқдори орд дар ҳаҷми қариб 19 млн доллар харидорӣ шудааст, ки нисбат ба ҳамин давраи соли 2019 ба андозаи 52 дарсад зиёдтар будааст.

Ҳамчунин “Азияи-Плюс” аз қавли Агентии омор менависад, ки нархи орди навъи якум, ки бештар серхаридор аст, аз моҳи январ то аввали моҳи ноябр қариб 15 % боло рафтааст.

Дар идома гуфта мешавад, ки то аввали моҳи ноябр арзиши 1 кило орди навъи якум ба ҳисоби миёна дар пойтахт 4,7 сомонӣ, шаҳри Турсунзода – 5,2 сомонӣ, Рашту Ванҷ ва Хоруғ – беш аз 5 сомонӣ, Хуҷанду Исфара ва Истаравшан – 4,4 сомонӣ баробар буд.

Тӯли моҳҳои январ-сентябри соли равон ба Ҷумҳурӣ зиёда аз 760 ҳазор тонна гандум оварда шудааст, ки нисбат ба ҳамин давраи соли 2019 воридоти гандум дар зарфи 10 моҳ 7,8 дарсад кам гардида бошад ҳам, ҳаҷми гандуми воридшуда аз ҳаҷми орди воридотӣ 10 баробар зиёдтар гуфта мешавад.

Дар як сол талаботи Тоҷикистон ба орд наздики 1 млн тонна арзёбӣ мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.