35.9 C
Dushanbe

Чин ба Тоҷикистон боз воксин медиҳад

Акс аз сомонаи Вазорати корҳои хориҷаи Тоҷикистон

Вазири корҳои хориҷаи Тоҷикистон Сироҷиддин Муҳриддин рӯзи 24-уми август дар шаҳри Душанбе бо сафири фавқулода ва мухтори Ҷумҳурии мардумии Чин дар Тоҷикистон Лю Бин дар бораи ворид кардани воксини чинӣ суҳбат кард. Дар ин бора дафтари матбуоти Вазорати корҳои хориҷаи Тоҷикистон хабар дод.

Бино ба иттилои сомонаи расмии Вазорати корҳои хориҷаи Тоҷикистон, “дар мулоқот масъалаҳои муҳимми ҳамкорӣ, вазъи амнияти минтақавӣ ва таҳвили ваксинаи чинӣ ба Тоҷикистон мавриди баррасӣ қарор гирифтанд.” Аммо вазорат ҷузъиёти бештар надодааст, ки ин бор кай ва чӣ миқдор воксин аз Чин бояд ба кишвар ворид шавад.

Ёдовар мешавем, ки Тоҷикистон то кунун дар чанд марҳила кумакҳои башардӯстона дар чорчӯби барномаи Созмони ҷаҳонии беҳдошт – COVAX дар ҳаҷми беш аз ду миллион воксин аз кишвраҳои Ҳиндустон, Озарбойҷон, Чин, Амрико, Олмон ва Шведсияро дарёфт кардааст.

Бино ба итиилои Вазоарти тандурустии кишвар, то 23-уми августи соли ҷорӣ дар саросари ҷумҳурӣ 1 млн 891 ҳазору 850 нафар аз шаҳрвандони кишвар бар зидди коронавирус воксин гирифтанд. Аз байни онҳо 363 ҳазору 895 нафар вояи дуюмро низ гирифтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.