32.9 C
Dushanbe

Чин бо маблағи беш аз 203 млн доллар барои Тоҷикистон роҳ месозад

Чин ба Тоҷикистон барои сохтмон ва бозсозии қитъаи Қалъаи Хумб-Ванҷ то минтақаи Рӯшон дар шоҳроҳи Душанбе-Хоруғ-Қулма 203,9 миллион доллар ҷудо мекунад.

Тавре Вазири нақлиёти Тоҷикистон Азим Иброҳим ба вакилони Маҷлиси намояндагони кишвар гуфт, маблағҳо дар асоси грант пешниҳод карда мешаванд.

Ба гузориши “Авесто”, дар иҷлосияи Маҷлиси намояндагон, ки дирӯз, 16 июн дар Душанбе баргузор шуд, қайд гардид, ки Тоҷикистон воридоти таҷҳизот барои сохтмони ин қисмати роҳро аз андоз ва боҷи гумрукӣ озод мекунад.

Гуфта мешавад, роҳи автомобилгарди Душанбе-Хоруғ-Қулма роҳи мошингарди байналмилалии аз ҷиҳати стратегӣ муҳим аст, аммо айни замон бисёре аз қитъаҳои он харобу мошингузар нестанд.

Ҳамчунин қайд гардида, ки “дар давраи истиқлолият тамоми шоҳроҳҳо аз Душанбе ба минтақаҳо аз нав сохта шуданд, ба истиснои роҳи асосии Бадахшон – аз Калъаи-Хумб ба Хоруғ ва минбаъд то марз бо Чин”.

Бино ба таҳлили коршиносони масоили иқтисодӣ, ин роҳ аз сабаби он, ки молҳои асосиро аз Чин ба Тоҷикистон ворид мекунад, хеле муҳим аст.

Қаблан хабар дода шуда буд, ки таҷдиди ин роҳи мошингард аз Қалъаи Хумб то ноҳияи Рӯшон 92 километрро ташкил дода, бо масрафи 230 миллион доллар бунёд мегардад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.