18.9 C
Dushanbe

Чин дар истихроҷи ангишт ва газ ба Тоҷикистон кумак мекунад

Мақомоти Тоҷикистон бо мақомоти Чин рӯзи 21-уми майи соли ҷорӣ дар робита ба сармуоягузории ин кишвар дар истихроҷи ангишт ва газ созишнома ба имзо расониданд.

Тавре дафтари матбуоти Вазорати рушди иқтисод ва савдои Тоҷикистон хабар медиҳад, 21-уми майи соли 2024 мулоқоти вазири ин ниҳод Завқизода Завқӣ Амин бо раиси Корпоратсияи давлатии “China Pingmei Shenma Holding Group Co. Ltd”-и Ҷумҳурии Мардумии Чин Ли Мао, муовини Директори генералии ширкати Pingmei Longji New Energy Technology Co., Ltd. – Ли Син, раиси ширкати Pingmei Longji New Energy Technology Co., Ltd. – Гао Чжисян дар Душанбе сурат гирифт.

Гуфта мешавад, дар ҷараёни мулоқот Завқизода ба раиси Корпоратсияи давлатии China Pingmei Shenma Holding Group Co. Ltd пешниҳод намуда, ки ширкатҳои чинӣ метавонанд дар “истихроҷи ангишт ва газ, истеҳсоли панелҳои офтобӣ, бунёди корхонаҳои металлургӣ, маркази барқу- гармидиҳӣ дар шаҳри Душанбе, маҷмааи нассоҷӣ ҷиҳати ба роҳ мондани сикли пурраи коркарди нахи пахта то маҳсулоти ниҳоӣ, корхонаҳои фармасевтӣ” ва дигар лоиҳаҳои муҳим сармоягузорӣ кунанд.

Ба иттилои манбаъ, Корпоратсияи мазкур аллакай дар бунёди нерӯгоҳҳои барқи-офтобӣ дар минтақаҳои озоди иқтисодии “Панҷ” ва “Данғара” бо иқтидори 1000 мВт 400 млн. доллар сармоягузорӣ карда ва корро оғоз кардааст. Ҳамнчунин дар хабар таъкид мешавад, ки ин ширкати чинӣ барои истихроҷ ва коркарди ангишти кони “Шӯроб” бо иқтидори солонаи истихроҷи 1 млн. тонна ангишт 60 млн. доллар сармоягузорӣ карда, фаъолияти он низ идома дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.