35.9 C
Dushanbe

Ҷон бохтани як зани паноҳҷӯи афғон бар асари сармозадагӣ

Як зани паноҳҷӯи афғон, ки мехоста бо ду фарзанди ноболиғаш ғайриқонунӣ аз Эрон ба Туркия паноҳ барад, бар асари дармондан дар сармои шадид дар наздикии марзи Эрон бо Турикия ҷони худро аз даст дод.

Расонаҳои туркӣ хабар доданд, ки ин ҳодиса рӯзи шанбе 1-уми январи ба вуқуъ пайвастааст. Ва ин зани афғон бо ду кӯдаки 8 ва 9-солааш дар деҳаи марзии Балорус дар хоки Эрон ҷон бохтааст.

Аммо расонаҳои эронӣ ба нақл аз сокинони наздимарзӣ менависанд, ки кӯдакон бо пои пиёда дар масири деҳаи “Узоп” буданд ва ҷое паноҳ бурда буданд, ки аҳолии ин деҳа аз моҷаро огоҳ мешаванд ва бо роҳнамоии кӯдакон ҷасади модари онҳоро пайдо мекунанд.

Тасвирҳое, ки дар шабакаҳои иҷтимоӣ мунташир гашта, ба назар мерасад, ки ин модар барои пешгирӣ аз сармозадани кӯдаконаш ҷӯробҳои худро ба дасти кӯдакон пӯшонда ва пойҳои худро бо селафанҳо печонида аст ва кафше бар пой надорад ва дасту пойҳои кӯдакон низ аз сармои шадид варамидаанд.

Пас аз ба сари қудрат омадани Толибон дар Афғонистон шумори паноҳҷӯёни афғонистонӣ, ба хусус убурҳои ғайриқонунии марзҳо аз ҷониби шаҳрвандони ин кишвар бамаротиб афзоиш ёфтааст.

Бино ба гузориши расонаҳо танҳо дар як моҳи гузашта дастикам чаҳор паноҳҷӯи афғонӣ бар асари яхзадагӣ дар минтақаҳои марзии Эрон бо Туркия ҷони худро аз даст додаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.