-3.1 C
Dushanbe

Ҷонибдории Раҳмон аз саркӯби мардум дар Қарақалпоқистон

Президенти Тоҷикистон Эмомалӣ Раҳмон аз саркӯби эътирозгарон дар Ҷумҳурии мухтори Қарақалпоқистон ҷонибдорӣ кард.

Бино ба иттилои Хадамоти матбуоти Прзиденти Тоҷикистон, шоми дирӯз, 4-уми июли соли 2022, Эмомалӣ Раҳмон бо ҳамтои ӯзбекистониаш Шавкат Мирзиёев телефонӣ суҳбат кард.

Ба қавли манбаъ, “сарони давлатҳо масъалаҳои мубрами муносибатҳои Тоҷикистон ва Узбекистонро дар партави тавофуқҳое, ки дар ҷараёни сафари расмии Президенти Ҷумҳурии Тоҷикистон ба Ҷумҳурии Узбекистон рӯзҳои 2-3 июни соли 2022 ҳосил шуда буданд, баррасӣ карданд.”

Дар рафти ин суҳбати телефонӣ ҷонибҳо “ҳамчунин доир ба масъалаҳои амнияти минтақавӣ ва ҳамкории ду кишвар дар чаҳорчӯби созмонҳои минтақавӣ ва байналмилалӣ табодули назар намуданд.”

Гуфта мешавад, Эмомалӣ Раҳмон, дар идомаи суҳбат аз Шавкат Мирзиёев ситоиш карда, “барои ба эътидол овардани вазъ дар Қорақалпоқистони Ҷумҳурии Узбекистон изҳори ҷонибдорӣ” кард.

Мунтақидони Эмомалӣ Раҳмон бар ин назаранд, ки ӯ чун барои бақои қудрат дар саркӯби норозиёну эътирозгарони сиёсатҳои дохилии худ дар Тоҷикистон таҷрибаи зиёде дорад, аз ин рӯ, табиист, ки аз саркӯби мардуми Қарақалпоқистон низ ҷонибдорӣ мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.