35.9 C
Dushanbe

Имрон Хон дар нақзи қонуни “зидди терроризм” айбдор мешавад

Рӯзи 22-уми августи соли ҷорӣ пулиси Покистон собиқ сарвазири ин кишвар Имрон Хонро ба нақзи қонуни “зидди терроризм” айбдор кард.

Тавре расонаҳои маҳаллӣ хабар медиҳанд, собиқ сарвазири Покистон Имрон Хон дар як суханронияш рӯзи шанбе аз боздошт ва шканҷа шудани яке аз дастёрони наздикаш Шаҳбоз Гилл вокуниш нишон дода, мақомоти додгустарӣ ва пулисро дар шиканҷаи ӯ гунаҳкор карда, гуфтааст, ки алайҳи онҳо шикоят хоҳад кард.

Ӯ дар суханронии рӯзи шанбеаш дар хитоб ба пулис ва мақомоти додгустарии кшвараш гуфта, ки “Шумо ҳам омода бошед, зеро мо алайҳи шумо иқдом хоҳем кард. Шумо бояд хиҷолат бикашед“.

Мақомоти қудратии Покистон ин хитоби Имрон Хонро ҳамчун таҳдид ба мақомҳои давлатӣ арзёбӣ карда, ӯро ба нақзи қонуни “зидди терроризм” айбдор ва нисбаташ парванда карданд.

Гуфта мешавад, ин парванда ба эҳтимоли зиёд ба боздошт ва зиндонӣ шудни собиқ сарвазири Покистон меанҷомад.

Бино ба гузоришҳо, пас аз эълони боз шудани парванда айлаҳ Имрон Хон ҷонибдоронаш хонаи ӯро иҳота карданд, то аз боздошти ӯ пешгирӣ кунанд. Онҳо гуфтаанд, дар сурати боздошти оқои Хон Исломобод – пойтахти Покистонро ба тасарруфи худ хоҳанд даровард.

Дар ҳамн ҳол Ҳизби Таҳрик ва инсофи Покистон, ки муаассисаш худи оқои Имрон Хон аст, дар як изҳороте ба мақомот ҳушдор дода, ки дар сурати боздошти ӯ эътирозҳои саросариро дар тамоми Покистон роҳандозӣ хоҳад кард.

Ёдовар мешавем, ки собиқ сарвазири Покистон Имрон Хон дар ҷаласаи пралумон 9-уми моҳи апрели соли ҷорӣ дар пайи раъйи адами эътимод аз мансабаш барканор шуд. Ва то ҳол танишҳое байни ӯ ва мақомоти қудратии Покистон барои баргузории интихоботи шаффоф идома дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.