25.9 C
Dushanbe

Ҷонибек Чоршанбиев ба 10 соли зиндон маҳкум шуд

Ҷонибек Чоршанбиев, фаъоли зодаи Бадахшон ба 10 соли зиндон маҳкум шудааст. Ӯро барои адои ҷазо ба маҳбаси низомаш сахти шаҳри Хуҷанд интиқол додаанд.

Анора Саркорова рӯзноманигори шинохтаи тоҷик дар истинод ба манобеаш хабар медиҳад, ки мурофиаи додгоҳии Ҷонибек пушти дарҳои баста сурат гирифта, ҳатто вакили дифоъ надоштааст.

Ба гуфтаи манбаъ, Чоршанбиев дар зери шиканҷаи сахт гуноҳро бар дӯш гирифтааст. То ҳол маълум нест, ки ин фаъоли зодаи Бадахшон ба кадом моддаи КҶ гунаҳкор шудааст. Аммо замони истирдодаш аз Русия ба Тоҷикистон гуфта мешуд, ки нисбати Ҷонибек бар асоси моддаи 307-и Кодекси ҷиноии Ҷумҳурии Тоҷикистон бо иттиҳоми “Даъвати оммавӣ барои бо роҳи зӯроварӣ тағйир додани сохти конститутсионии Ҷумҳурии Тоҷикистон” парванда боз шудааст.

Ин фаъоли 37-соларо мақомоти интизомии Русия рӯзи 9 июни соли 2022 бо дархости ҷониби Тоҷикистон боздошт карда, ба мақомоти Тоҷикистон супурдаанд.

Гуфта мешавад, истирдоди ӯ ба таври иҷборӣ сурат гирифта, ба наздикону пайвандонаш хабар надодаанд.  

Тӯли тақрибан ду ҳафта хонаводаи Чоршанбиев ӯро дар ниҳодҳои интизомии Душанбе ҷустанд ва билохира маълум кардаанд, ки ӯ дар боздоштгоҳи муваққати Гулистони шаҳри Душанбе нигаҳдорӣ мешудааст.

Ҷонибек Чоршанбиев, яке аз нафароне буд, ки дар сабти нахустин паёми видеоии зодагони Бадахшони муқими Русия ба мақомоти Тоҷикистон ширкат кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.