Пулиси Санкт-Петербурги Русия як шаҳрванди Тоҷикистонро бо иттиҳоми куштор ҷустуҷӯ дорад.
Бино ба иттилои расонаҳои русӣ, соати яки шаби 31-уми декабр дар ноҳияи Приморски Санкт-Петербург як зани 27-солаи рус ҷасади шавҳари модар (падарандар)-ашро дар ҳаммоми хона пайдо карда, ба пулис хабар медиҳад.
Пулис ба ҷойи ҳодиса омада, муайн мекунад, ки кушташуда марди 51-сола буда, ҷарроҳатҳои вазнинӣ ҷисмонӣ бардоштааст.
Аз рӯи ин ҳодиса пулис бо қисми 1 моддаи 105-и Кодекси ҷиноии Федератсияи Русия (куштор) парвандаи ҷиноятӣ боз карда, як муҳоҷири 39-солаи тоҷикро, ки дар ин хона сабтином шуда будааст, дар ҷустуҷӯ қарор додааст.
То ҳол ба расонаҳо номи ин шаҳрванди Тоҷикистон ва аз кадом минтақаи кишвар буданаш маълум нест.
