24.9 C
Dushanbe

CММ озодии фаъолони зодаи Бадахшонро талаб кард

Созмони Миллали Муттаҳид боздошти фаъолони бадахшониро аз ҷониби мақомоти тоҷик, “боздоштҳои худсарона” донист.

Гурӯҳи кории СММ, аз ҷумла боздошти фаъолони зодаи Бадахшон Улфатхоним Мамадшоева, Сорбон Юноев, Фаромуз Иргашов ва Манучеҳр Холиқназаровро, ки аз ҷониби мақомоти Тоҷикистон ба солҳои тӯлонӣ равонаи зиндон шудаанд, “боздоштҳои худсарона” эътироф кард.

Гузориш аз ҷониби Гурӯҳи корӣ дар мавриди боздоштҳои худсарона дар иҷлосияи 99-уми ин гурӯҳ қабул ва дар сомонаи СММ дар ду ҳуҷҷат нашр шудааст.

Дар қарори ин гурӯҳ гуфта мешавад, ки боздошти рӯзноманигор Улфатхоним Мамадшоева, соҳибкор ва фаъол Сорбон Юноев, инчунин ҳуқуқшиносон Фаромуз Иргашев ва Манучеҳр Холиқназаров хилофи “Эъломияи умумии ҳуқуқи башар”, “Конвенсия оид ба ҳуқуқи кӯдак ва ҳуқуқи инсон”, “Паймони Байналмилалии Ҳуқуқҳои шаҳрвандӣ ва сиёсӣ” ва “Паймони байналмилалӣ дар бораи ҳуқуқҳои шаҳрвандӣ ва сиёсӣ” буда, худсарона мебошад.

Гурӯҳи кории СММ дар мавриди боздоштҳои худсарона аз мақомоти Тоҷикистон даъват кардааст, ки ин афродро фавран озод кунанд ва бар асоси қавонини байналмилалӣ ба онҳо ҳаққи ҷуброн ва дигар шаклҳои ҷубронпулиро фароҳам кунанд.

Ин гурӯҳ ҳамчунин аз Ҳукумати кишвар талаб кардааст, ки тафтиши пурра ва мустақили вазъиятро, ки ба худсарона аз озодӣ маҳрум кардани ин шахсон вобаста аст, таъмин намояд.

Мақомоти Тоҷикистон то ҳол ба хулосаи Гурӯҳи кории СММ вокуниш нишон надодааст. Аммо дар гузашта мақомот талаби ин гурӯҳро дар мавриди озод намудани чандин зиндонии сиёсии тоҷик, аз ҷумла Маҳмадалӣ Ҳаит, Зайд Саидов, Сайидумар Ҳусайнӣ, Маҳмадрӯзӣ Искандаров, Бузургмеҳр Ёров, Мақсуд Иброҳимов ва дигарон иҷро накарда буд.

Бояд гуфт, фаъолони зодаи Бадахшон Улфатхоним Мамадшоева, Сорбон Юноев, Фаромуз Иргашов ва Манучеҳр Холиқназаров пас аз тазоҳуроти осоиштаи мардуми ин вилоят ва қатли даҳҳо тан аз ҷониби Ҳукумат дар солҳои 2021-2022, боздошт гардида буданд ва то имрӯз даҳҳо созмони байналмилаливу кишварҳои ғарбӣ озодии онҳоро талаб кардаанд, аммо ин афрод то ҳол дар зиндон қарор доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.