13.9 C
Dushanbe

Мардум: Ба Раҳмонов бояд ҳукми якумра зиндон диҳанд

Ҳамсари як сокини Данғара, ки баъд аз арақ нушида маст шудани шавҳараш мавриди лату кӯби шадид қарор гирифта буд, дар бемористон ҷони худро аз даст дод.

Акс аз сомонаи Бомдод

Имрӯз, 17-уми ноябри соли 2022, Манижа Достиеваи 27-сола, ҳамсари Шамсиддин Раҳмонов баъд аз панҷ рӯзи беҳӯшӣ дар бемористони марказии ноҳияи Данғара вафот кард. Дар ин бора пойгоҳи хабарии Бомдод иттилоъ додааст.

Ин пойгоҳ ба нақл аз манобеи худ дар бемористони марказии ноҳияи Данғара гуфтааст, ки ин бонуи тоҷик “Соати 09:30 ҷон дод. Мутаассифона, панҷ шабонарӯз талошҳои табибон барои наҷоти Манижа Достиев аз чанголи марг ноком монд ва субҳи 17 ноябр мо ӯро аз даст додем.”  

Бо вуҷуди он, ки Вазорати корҳои дохилии Тоҷикистон дар бораи ҷузиёти ин ҳодиса дар ноҳияи Данғара дар сомонаи худ иттилоъ надодааст, аммо вокуниши корбарони шабкаҳои иҷтимоӣ нисбат ба ин ҳодиса хеле тезу тунд аст.

Аксари корбарони шабакаҳои иҷтимоӣ бо маҳкум кардани ин ҳодиса, на танҳо хостори манъи шаробнӯшӣ, балки сангинтар кардани муҷозоти ин сокини бадмаст, ки сабабгори марги модари 4 фарзандаш шудааст, гардидаанд.

Инчунин чанд нафаре ҳам гуфтаанд, ки дар бемористони ноҳияи Данғара шароит хеле хуб нест ва “агар ба Душанбе меовардан шояд зинда мемонд.”

Гуфта мешавад, Шамсиддин Раҳмонови 31-сола, сокини кӯчаи Гидростроителҳои шаҳраки Данғара бегоҳи 12 ноябри соли 2022 дар ҳолати мастӣ дар хонаи истиқоматиашон бо ҳамсараш Манижа Достиеваи 27-сола ҷанҷол карда ҳамсарашро аввал бо мушту лагат ва сипас бо кунда чанд зарбаи дигар зада аз по афтонда буд. Сипас Манижаро ба бемористон бурданд, ва то дами маргаш ба ҳӯш наомада буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.