Мақомоти Русия 5-уми апрели соли ҷорӣ Даря Тереповаи 26-соларо, ки дар қатли блогери машҳури рус Максим Фомин (маъруф ба Владлен Татараский) гумонбар аст, ба терроризм муттаҳам кард.
Дар ҳамин ҳол, Кумитаи миллии зидди терроризми Русия иддао карда, ки қатли ин блогери низомии рус ба дасти истихбороти Украина ва дар ҳамкорӣ бо сиёсатмадори мухолифи Путин, Алексей Навалний, ки ҳоло дар зиндон ба сар мебарад, сурат гирифтааст.
Аммо мақомоти Украина даст доштани истихбороти ин кишвар дар қатли блогерро рад карда, мегӯянд, ки қатли ӯ натиҷаи кашмакашҳои дохилии худи Русия аст.
Гуфта мешавад, блогер Владлен Татараский, ки ҷонибдори ашаддии ҷанг дар Украина буд ва аз он гузориш омода мекард, рӯзи 2-уми апрел дар як қаҳвахона дар шаҳри Санкт-Петербург тарконида шуд. Дар ин таркиш бар иловаи кушта шудани Татарский дасти кам 42 нафари дигар захмӣ шуд.
Ин блогер тарафдори Русия бо шибҳинизомиёни ҷудоиталаб дар шарқи Украина ба нафъи Русия меҷангид. Ӯ баъдан шарҳвании Русияро низ ба даст оварда буд.
