14.9 C
Dushanbe

Дар ин вазъияти буҳронӣ чаро дар Тоҷикистон орд арзон намешавад?

Акс аз сомонаи farovon.tj

Дар баробари ҷамъоварии ғалла дар кишвар ҳоло ҳам нархи орд дар сатҳи боло қарор дорад. Мардуми Тоҷикистон, ки хуроки асосиаашон нон аст, талабот дар Тоҷикистон ба орд хело зиёд аст.

То як сол қабл дар кишвар як халта орд, 180 то 190 сомонӣ нарх дошт, ҳоло бошад, аз 200 то 210 сомонӣ нархгузорӣ шудааст, ки бархе аз коршиносон сабабҳои боло будани нархи ордро аз кам истеҳсол гардидани ғалла дар кишвар медонанд, бархеи дигар бар ин назаранд, ки тиҷорати орд низ ба манаполияи хонаводагиии Президент қарор гирифтааст, ба ҳамин хотир нархаш  қиммат аст.

Леонид Холод, доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия гуфтааст: “Гуфтан нодуруст аст, ки арзиши орд дар заминаи ҳосили хуб боло меравад. Ҳосили имсола ҳоло нархи дохилии ғалладонаро ташаккул медиҳад, дар ҳоле ки нархи маҳсулоти аз ғалладона истеҳсолшаванда баъдтар дақиқ хоҳад шуд”.

Аммо коршиносони дигар бар ин назаранд, ки дар баробари зиёд будани кишти ғалла дар кишвар нархи орд паст намегардад, зеро ин ба нафароне, ки ба тиҷорат ва ҳама чиз зери назораташон аст, вобастагии зич дорад.

Аз руйи иттилои дарёфтӣ ҳоло бозори орд дар Тоҷикистон зери дасти домоди Президент Зарифбек Давлатов ҳамсари Тахминаи Раҳмон қарор дорад, ки бе иҷозаи ӯ ҳатто як халта ордро аз дигар кишвар ворид кардан манъ аст.

Чанд сол қабл баъди бозкушоии марзҳои байни Тоҷикистону Узбекистон нархи орд ва дигар маҳсулотҳо ба якборагӣ арзон гардида буданд. Ҳамчунин тоҷирони Узбекистониро дар бозорҳо зери мушту лагат қарор дода буданд. Баъди чанд вақт Ҳукумати Тоҷикистон қарор қабул намуда воридоти зиёда аз 12 намуди маҳсулотро манъ карда буд.

Дар Тоҷикистон беш аз 750 ҳазор тонна ғалла истеҳсол ва тақрибан 550 ҳазор тоннаашро харидорӣ менамояд.

Дар кишвар солона тақрибан якуним миллион тонна гандум истеъмол мешавад. Қисми зиёди ин ҳаҷм барои орд истифода мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.