28.9 C
Dushanbe

Дар Қазоқистон салоҳиятҳои “Пешво” бекор ва аз мансабҳояш барканор шуд

Парлумони Қазоқистон ба Қонуни ин кишвар “Дар бораи Президенти якуми Ҷумҳурии Қазоқистон – Елбасӣ” тағйиру иловаҳо ворид намуда, бо ҳамин Нурсултон Назарбоев, собиқ президент ва “пешвои” миллати қазоқро аз мансабҳояш барканор кард.

Акс аз “Tengrinews”

Назарбоев аз соли 2019 аз сари қудрат канор рафт, вале ҳамчун раиси Шӯрои амният ва Ассамблеяи мардумии Қазоқистон боқӣ монда буд. Аммо ҳоло ӯро аз мансабҳояш барканор карда, барояш танҳо дар ҷаласаҳои Парлумон ва ҷаласаҳои Ҳукумат ҳангоми баррасии масъалаҳои барои кишвар муҳим иҷозати суханронӣ кардан дода шудааст.

Бино ба гузориши расонаҳои қазоқӣ ин тағйиру иловаҳо дар Парлумони Қазоқистон рӯзи 18-уми январ қабул шудааст.

(Президенти якум ҳуқуқ дорад) дар назди Парлумони Ҷумҳурии Қазоқистон ва палатаҳои он, дар ҷаласаҳои ҳукумати ҷумҳурӣ ҳангоми баррасии масъалаҳои барои кишвар муҳим суханронӣ намояд; узви Шӯрои конститутсионии Қазоқистон бошад”, – омадааст дар матни тағйирот.

Дар марҳилаи баъдӣ ин тағйиру илова дар Сенати Қазоқистон баррасӣ шуда, сипас барои имзо ба президенти ин кишвар Қосим-Ҷомарт Тоқаев фиристода мешавад.

Гуфта мешавад, Шӯрои амнияти Қазоқистон ниҳоде, ки Назарбоев идорааш мекард, ниҳоди конститутсионӣ буда, сиёсати давлатро дар бахши амнияти миллӣ ва мудофиа ҳамоҳанг мекунад. Ассамблеяи халқҳои Қазоқистон бошад, ки ин ҳам дар зери идораи ӯ буд, ниҳоди машваратист ва дар порлумон 9 намоянда дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.