23.9 C
Dushanbe

Дар шохиси озодии баён Тоҷикистон боз як зина поин рафт

Дар шохиси озодии баён Тоҷикистон боз як зина поин рафта бо гирифтани мақоми 162 -ум ба Туркманистон наздик шуд. Ҳоло Тоҷикистону Туркманистон аз баддатарин кишварҳои роиякунандаи озодии баён миёни 181 кишвари дунё буда, аввалӣ дар зинаи 162 ва дуввумӣ дар зинаи 178 қарор дорад.

Чунин баҳогузориро ҳамасола “Гузоришгарони бидуни марз” дар гузорише пеш аз рӯзи ҷаҳонии “Озодии баён”, нашр мекунанд. Ба фарқ аз Туркманистон ба ин сатҳ поин омадани озодии баён дар Тоҷикистон тӯли чанд соли ахир ба вуқуъ омадааст.

Сурат: Reporters Without Borders 

Тоҷикистон соли 2009 дар ин шохис дар миёни кишварҳои Осиёи Марказӣ дар мақоми аз ҳама баландтар 113-ум ҷой дошт, ки ҳатто аз Қирғизистон пешсаф буд. Чун қирғизистон он замон дар мақоми 125- ум қарор дошт. Аз он замон то ҳол Қирғизистон дар ин самт пашравӣ карда мақоми 79-ум дар шохиси озоди баёнро соҳиб шуда аст, ки миёни кишварҳои дигари Осиёи Марказӣ аз ҳама пешсаф аст.

Таҳиягарони гузориш мегӯянд, ки мақомоти, Тоҷикистон “мубориза бо хабарҳои дурӯғин дар бораи COVID-19-ро ҳамчун баҳонаи маҳдудкунии минбаъдаи матбуот истифода карданд”.

Гузоришгарони ин созомон Тоҷикистонро ба унвони як кишвари худкома ном бурда мегӯянд, мақомоти ин кишвар имкон доранд ҳама гуна хабар дар расонаҳо ва шабакаҳои иҷтимоиро дар бораи бемориҳои сироятӣ ҳамчун хабари “бардурӯғ” ва “носаҳеҳ” ҳисоб кунанду муаллифони онҳо бидуни ду маоши ҳадди аққал бимонанд ё барои 15 рӯз маҳбус шаванд.

Тибқи гузориши ин созмон, дар шохиси озоди баён кишварҳои дигари собиқ Шӯравӣ Русия мақоми 150 ва Белорус (мақоми 158), саркӯбкунандатарин ва хатарноктарин кишвари озодии баёнд дар Аврупо унвон шудааст.

Қирғизистон мақоми (79) Қазоқистон 155, Узбакистон 157 ва Тоҷикстон 162 Туркманистон аз ҳама бадтарин дар Осиёи Миёна ва яке аз бадтаринҳо дар сатҳи ҷаҳон мақоми 178-ро гирифтааст. Норвеж, Финлонд ва Шведсия ин се кишвар мақоми аввалро касб карда аз ҳамма кишварҳои дунё роҳат ва муносиб барои фаъолияти рӯзноманигорӣ уновн шудаанд.

Дар Тоҷикистон пас аз баста шудани ҳизби умадаи мухилфи ҲНИТ ва дертар қабули қонуни пешво вазъи озодии баён ба маротиб баддтар шуд. Чанд тан аз рӯзноманигорон, ки аз аъзои ин ҳизб буданд ҳоло дар зиндонҳои Тоҷикистон адои ҷазо мекунанд.

Ахиран масъулони созмони Гузоришгарони бидуни марз аз вазъи саломатии журналисти зиндонӣ Ҳикматулло Сайфуллозода изҳори нигаронӣ кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.

Боздошти боз як тоҷик дар Русия

Дар шаҳри Твери Русия як гумонбари дигар дар робита ба ҳамлаи террористӣ дар "Крокус Сити Ҳолл"-и Красногорск боздошт шуд.