-4.6 C
Dushanbe

Сармоягузории беш аз 100 млн сомонӣ барои меҳмонхонаҳо дар соли 2021

Дар ёздаҳ моҳи соли 2021 барои бунёди меҳмонхонаҳо ва тарабхонаҳои нав дар Тоҷикистон ҳудуди 115 миллион сомонӣ сармоягузорӣ шудааст.

Гуфта мешавад, ин рақам нисбат ба ҳаҷми маблағи дар ҳамин давраи соли 2020 сармоягузоришуда 1,9 маротиба бештар аст.

Дар моҳи сентябри соли 2019 сохтмони 9 меҳмонхона оғоз шуда буд, ки чаҳортои он дараҷаи  “5 ситораӣ” доранд ва бештари ин меҳмонхонаҳо дар шахри Душанбе сохта мешаванд.

Қарор буд, то 30-солагии истиқлолият, яъне то 9-уми сентябри соли гузашта чандтои он ба истифода дода шаванд. Аммо корҳои сохтмонии баъзе аз мехмонхонаҳо мавқуф гузошта шуд. Дар робита ба ин масъала Кумитаи меъморӣ ва сохтмон хабар дод, ки ба таъхир гузоштани сохтмон ба пандемияи коронавирус ва омилҳои он марбут аст.

Дар маҷмуъ, дар лоиҳаҳо бунёди 9 меҳмонхонаи нави замонавӣ бо 630 ҳуҷра пешбинӣ шудааст, ки дар як вақт қабули зиёда аз 1000 нафарро пешбинӣ мекунад.

Ба монанди ин меҳмонхонаҳо дар Тоҷикистон биноҳо зиёданд, ки дар вақташ ба истифода дода намешаванд. Аз ҷумла меҳмонхонаи “Исмоили Сомонӣ”-и Ҳасан Асадуллозода, ки 15 сол боз сохтмонаш идома дорад. Дар муддати 15 соли сохтмони ин меҳмонхона, барои он ҳамасола имтиёзҳо дода мешавад, аз ҷумла ҳарсол аз андоз аз арзиши иловашуда, андоз аз даромад ва боҷи гумрукӣ озод мегардад. Вале маълум нест кай сохтмони ин меҳмонхона кай ба охир мерасад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.