16.9 C
Dushanbe

Дар Тоҷикистон корхонаи мошинбарорӣ месозанд

Намояндагони бахши иқтисоди Тоҷикистону Узбекистон зимни мулоқот дар Душанбе дар бораи истеҳсоли муштараки мошинсозӣ ва бунёди НБО дар Тоҷикстон гуфтугӯ карданд.

Бино ба иттилои Вазорати рушди иқтисод ва савдои Ҷумҳурии Тоҷикистон, 10-уми марти соли ҷорӣ вазири ин ниҳод Завқизода Завқӣ Амин ва Вазири сармоягузорӣ, саноат ва савдои Ҷумҳурии Узбекистон Қудратов Лазиз мулоқот карданд.

Гуфта мешавад, дар мулоқоти ҷонибҳо масъалаҳои омодагӣ ба гузаронидани ҷаласаи навбатии Комиссияи байниҳукуматии Тоҷикистону Узбекистон дар бораи ҳамкориҳои тиҷоратию иқтисодӣ, ки қарор аст дар Душанбе баргузор шавад, баррасӣ шудааст.

Инчунин вазирони ду кишвар масъалаи сармоягузорӣ ба лоиҳаҳои муҳими ва стратегӣ, “аз ҷумла истеҳсоли муштараки мошинҳо дар Ҷумҳурии Тоҷикистон ва ба роҳ мондани истеҳсоли чархҳо дар заминаи ҶСК ТАЛКО барои эҳтиёҷоти саноати мошинсозии Ӯзбекистон, инчунин сохтмони муштараки ду НБО дар дарёи Зарафшон” ва дигар масоили марбут ба ҳамкориҳои дуҷонибаро баррасӣ кардаанд.

Ба иттилои Вазорати рушди иқтисод ва савдои Ҷумҳурии Тоҷикистон, ҳаҷми гардиши савдои хориҷии дуҷониба бо Ҷумҳурии Узбекистон дар соли гузашта 504,4 млн. доллар ва вазни хоси он 6,1 фоизро ташкил додааст. Ҳамчунин қайд мешавад, ки муомилоти тиҷоратӣ бо Узбекистон дар сохтори гардиши савдои хориҷии Тоҷикистон дар ҷои 5-ум қарор дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.