Шӯрои уламои Маркази исломии Тоҷикистон имрӯз, 4-уми апрел пас аз нишасти навбатии худ вақти баргузории иди Рамазон дар кишварро муайян кард.
Ба иттилои Дафтари матбуоти Шӯрои уламои Маркази исломии кишвар, ин нишаст бо ҳузури раиси Шӯрои уламо Саидмукаррам Абдуқодирзода ва аъзои он бургузор гардид.
Зимни нишаст Абдуқодирзода гуфта, ки “мувофиқи далелҳои илмӣ ва дар асоси хулосаи Институти астрофизикаи Академияи миллии илмҳои Ҷумҳурии Тоҷикистон имсол иди мубораки Рамазон дар кишвар рӯзи чоршанбе 10-уми апрел фаро мерасад.”
Бино бар ин, Шӯррои уламо бар асоси додаҳои Институти астрофизикаи Академияи миллии илмҳои кишвар поёни моҳи Рамазонро рӯзи сешанбе 9-уми апрел ва баргузории Идро субҳи рӯзи чоршанбеи 10-уми апрел эълон кард.
Ба гуфтаи ин ниҳоди динии кишвар, вақти баргузории намози иди Рамазон дар сартосари ҷумҳурӣ соати 6-30 дақиқа баргузор мешавад.
