14.9 C
Dushanbe

Дар Тоҷикистон 12 кӯдак ғарқ шудааст

Акс аз “Sputnik”

Аз аввали сол дар рӯдхона ва обанборҳои Тоҷикистон 12 кӯдак ғарқ шудааст. Дар ҳамаи ин фоҷиаҳо асосан бепарвоии калонсолон ва волидон сабаб шудааст.

Умеда Юсуфӣ сардори маркази матбуоти Кумитаи ҳолатҳои фавқуллодаи Тоҷикстн ба оҷонсии иттилоотии Авесто гуфтааст дар шабонарӯзи гузашта сокини 14 солаи рустои Қарасои ҷамоати Кашоти ноҳияи Лахш аз рӯи беэҳтиётӣ ба ҳангоми рондани дучарха ба дарёи Қизилсу афтода ҷон бохтааст. Ҷасади ӯро дар деҳаи ҳамсоя, дар маҳаллаи «Мирзокиштов» -и ҷамоати деҳоти Пилдони ҳамин ноҳия пайдо карда ва ба ходимони милиса таҳвил додаанд. Ба гуфтаи ҳамин манбаъ бепарвоии падару модарон, ки фарзандони худро беназорат мегузоранд, риоят накардани меъёрҳои оббозӣ, шиноварӣ дар маконҳои мамнӯъ, боиси ҷони худро аз даст додани боз 11 кӯдаки аз 4 то 16 шудааст.

Кумитаи ҳолатҳои фавқуллода бо мақсади ҳифзи саломатӣ ва ҳаёти кӯдакон ба таваҷҷӯҳи волидон дар назар гирифтанияк қатор қоида ва шароити одиро пешниҳод  кардааст:

Ба  кӯдакон тарзу усули таъмини амнияти шахсиро ёд диҳед. Бо кӯдакон сӯҳбатҳои инфиродӣ баргузор кунед, қоидаҳои муҳимро фаҳмонед, ки риояти онҳо боиси ҳифзи ҳаёташон мешавад. Мушкили вақти холии онҳоро ҳал кунед

Ҳамеша дар ҷараёни он бошед, ки кӯдаки Шумо бо кӣ ва дар куҷо мегардад, маҳалли гаштугузор ва будубоши ӯро таҳти назорат қарор диҳед, барои он ки қурбонии  ҳолатҳои нохуш дар обанборҳо ва кӯлҳо нашавад, ба онҳо риояти қоидаҳои бехатариро омӯзонед, шиноварӣ ёд диҳед ва ба ҳангоми истироҳат ва фароғати онҳо дар наҳру рӯдхона ва ҳавзу кӯлҳо ҳамроҳ бошед.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.