Ба гузориши маркази матбуоти Вазорати тандурустӣ ва ҳифзи иҷотимоии аҳолиии Тоҷикистон, давоми 9 моҳи соли ҷорӣ 74 ҳазору 718 кӯдак дар марказҳои тиббии кишвар ройгон хатна шуданд.
Ин ниҳоди дармонии кишвар мегӯяд, дар саросари ҷумҳурӣ 584 ҳуҷраи “махсусгардонидашудаи ҷарроҳӣ барои гузаронидани хатнаи кӯдакон фаъолият дошта, дар онҳо давоми 9 моҳи соли 2022 ба 74 ҳазору 718 нафар кӯдакон амалиёти хатна ба таври ройгон гузаронида шудааст.”
Гуфта мешавад, Ҳукумат аз соли 2017 тибқи Қонуни танзими анъана ва ҷашну маросимҳо дар кишвар хатнаи кӯдаконро ройгон ба роҳ монд. Ва то он замон ин суннатро бештар табибони халқӣ дар шароити хона анҷом медоданд. Ва дар урфи тоҷикон хатнаи кӯдакон баробар ба тӯйи арусии ҷавонон бо як дабдабаи хос мегузашт. Аммо ҳоло дар аксар манотиқи кишвар аз ин маросим хабаре нест.
