27.9 C
Dushanbe

Тоҷикистон дар 9 моҳи аввали соли ҷорӣ барқи бештар тавлид кардааст

Ҳаҷми умумии тавлиди нерӯи барқ ​​дар Тоҷикистон дар 9 моҳи аввали соли ҷорӣ 16 миллиарду 342,2 миллион кВт/соатро ташкил дод, ки нисбат ба ҳамин давраи соли 2021 460,6 миллион кВт/соат бештар аст.

Avesta.tj хабар медиҳад, ки дар моҳҳои январ-сентябри соли ҷорӣ нерӯгоҳҳои барқи обии кишвар 15 миллиарду 536,7 миллион кВт/соат нерӯи барқ ​​тавлид карда, 805,2 миллион кВт/соат нерӯи барқи дигар дар марказҳои барқу гармидиҳӣ тавлид шудааст.

Ҳаҷми тавлиди нерӯи гармӣ дар ин давра 675,8 ҳазор Гкалро ташкил дода, ки нисбат ба ҳамин давраи соли 2021 4,3% зиёд аст.

Бо вуҷуди бештар тавлид шудан нерӯи барқ дар ин давра, сокинони манотиқи гуногуни кишвар аз набуди барқ дар ноҳияҳояшон ва ҷорӣ шудани лимит аз охири моҳи сентябр шикоят доранд. Ва суоли матраҳ миёни сокинони кишвар ин аст, ки барқи тавлидшудаи нерӯгоҳҳо куҷо мешаванд?

Дар бештари ҳолатҳо мақомот вуҷуди маҳдудият дар интиқоли нерӯи барқро рад мекунанд ё онро ба корҳои таъмиру бозсозӣ рабт медиҳанд.

Вале Эмомалӣ Раҳмон, раисҷумҳури Тоҷикистон, ки ҳамеша дар паёмҳояш аз афсона шудани лимити барқ мегуфт, рӯзи 24-уми октябри соли ҷорӣ вақти суханронӣ дар назди фаъолону раҳбарони шаҳри Норак ғайричамдошт эътироф кард, ки дар кишвар маҳдудияти интиқоли барқ вуҷуд дорад ва аз сокинону корхонаҳо хост нерӯи барқро сарфакорона истифода кунанд. Раҳмон маҳдудиятро муваққатӣ номида, ҷорӣ шудани онро ба хотири дар фасли сармо бо барқ пурра таъмин намудани аҳолӣ гуфт.

Аммо таҳлилгарон бар ин боваранд, ки ин ваъдаҳо мисли ваъдаҳои пешини Раҳмон буда, сокинони кишвар дар фасли сармо боз бо лимити барқ рӯ ба рӯ хоҳанд шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.