Дар вилояти Волгогради Русия ҷасади шаш шаҳрванди Тоҷикистон пайдо шуд. Дар ин бора 26-уми январ расонаҳои русӣ бо истинод ба мақомоти ҳифзи ҳуқуқи ин вилоят хабар медиҳанд.
Мувофики маълумоти пешакӣ ин мардҳо, муҳоҷирони кории тоҷик буда, дар яке аз хоҷагиҳо дар ноҳияи Среднеахтубинск кор мекардаанд.
Ҷасадҳо аз гармхонае дар ҳамин ноҳия пайдо шуда, тибқи маълумоти пешакӣ муҳоҷирон аз дуд заҳролуд шудаанд.
Дар ҷойи ҳодиса кормандони ҳифзи ҳуқуқ қарор доранд ва сабаби дақиқи ин ҳодисаро муайян мекунанд.
Гуфта мешавад, ҳоло ҷасадҳо барои ташхиси судӣ фиристода шудаанд.
Бо пайдо шудани маълумоти бештар хабар такмил мешавад.
