36.9 C
Dushanbe

Даргузашти ҳамсари Лоиқ Шералӣ, шоири маъруфи тоҷик

Ҳамсари Лоиқ Шералӣ, Зебуниссо Қутбиддинова субҳи имрӯз, 22 сентябр дар синни 71 солагӣ аз олам даргузашт. Ин маълумотро субҳи имрӯз Диловар Шералӣ дар саҳифаи фейсбукияш хабар дод.

Ба гуфтаи наздиконаш чанд моҳи охир бемор ва як маротиба инсултҳам гузаронда, шифо ёта буд. Ромиш Шералӣ мегӯяд, хурсандии онҳо дер давом накарда, боз фишори модараш боло рафтааст, марҳумро ба Шифохонаи Сино овардаанд ва ин субҳ аз дунё даргузашт.

Зебуннисо Қутбиддинова соли 1949 дар шаҳри Панҷакент ба дунё омада, соли 1966 пас аз хатми мактаби миёна ба Донишгоҳи омӯзгории Тоҷикистон дохил шудааст. Соли 1967 бо Лоиқ Шералӣ, Шоири халқии Тоҷикистон хонадор мешавад. Муаллима то охири умраш дар мактаби рақами 54-и ба номи Лоиқ Шералии пойтахт ба ҳайси омӯзгори фанни забон ва адабиёт ва раҳбари осорхонаи Лоиқ Шералӣ, ки дар ҳамон мактаб ҷойгир буд, кору фаъолият кардааст.

Ҷанозаи Зебуннисо Қутбиддинова дар қабристони Сарманзили шаҳри Панҷакент пас аз намози пешин баргузор шуд.

Лоиқ Шералӣ, шоири халқии Тоҷикистон, ки дар байни форсизабонони ҷаҳон ҳаводорони зиёде дорад, соли 2000 дар синни 59 солагӣ бар асари сактаи мағзӣ аз олам чашм пушида буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Суқути қурби рубли русӣ дар Тоҷикистон

Баъд аз сафари вазири корҳои хориҷии Русия ба шаҳри Душанбе ва музокироти сатҳи олии раҳбарони Тоҷикистон ва Русия қурби рубли русӣ дар баробари пули миллӣ-сомонӣ поён расфт.

Даргузашти Зафар Мирзоён

Донишманд ва нависандаи шинохтаи тоҷик Зафар Мирзоён шаби 7-уми июни соли ҷорӣ дар синни 74-солагӣ аз дунё даргузашт.

Нерӯҳои Русия обанбореро дар Украина тарконданд

Нерӯҳои артиши Русия бахше аз обанбори нерӯгоҳи Коховкаро дар Херсон таркониданд, ки аҳолии поёноби ин сарбандро зери об мондан таҳдид мекунад.

133 ҳазор ғуломи муосир дар Тоҷикистон

Тоҷикистон аз рӯи шумораи ғуломони муосир дар ҷаҳон дар ҷойи шашум қарор дорад.