33.9 C
Dushanbe

Даргузашти Ҳоҷӣ Исмоил Пирмуҳаммадзода

Ҳоҷӣ Исмоил Пирмуҳаммадзода, яке аз рӯҳониёни шинохтаи кишвар бар асари беморӣ дар синни 70-солагӣ вафот кард.

Субҳи имрӯз, 18-уми майи соли 2022 рӯҳонии шинохтаи кишвар Ҳоҷӣ Исмоил Пирмуҳаммадзода бар асри беморӣ дар шаҳри Душабе даргузашт.

Ҳоҷӣ Исмоил Пирмуҳаммадзода 1-ум июли соли 1952 дар деҳаи Санги Кулӯла, ноҳияи Сарихосор, вилояти Кӯлоб таваллуд шудааст. Ҷанозаи марҳумро ҳам имрӯз дар зодгоҳаш дар ноҳияи Фархори вилояти Хатлон дар канори қабри парадараш ба хок месупоранд.

Ҳоҷӣ Исмоил Пирмуҳаммадзода, солҳои тӯлонӣ вазифаи имомхатибиро дар маркази ноҳияи Ҳисор бар уҳда дошт. Вай бо вуҷуди як рӯҳонӣ будан, адиб ва рӯзноманигор ҳам буд.

Ба садои ӯ дар Радиои Тоҷикистон барномаҳое аз “Шоҳнома”-и Фирдавсӣ”, “Маснавии маънавӣ”-и Мавлавӣ, “Осори Мирзо Бедил”, “Осори устод Рӯдакӣ”, “Аз ҳаёт ва фаъолияти халифаи одил Умари Абдулазиз” сабт шудаанд.

Вай узви Иттифоқи журналистони Тоҷикистон, Аълочии матбуоти Тоҷикистон (2008) , барандаи ҷоизаи ИЖТ ба номи А.Лоҳутӣ (2010), Аълочии телевизион ва радиои Тоҷикистон (2012), Аълочии фарҳанги Тоҷикистон (2012), дорандаи медали «100-солагии матбуоти тоҷик» (2012), унвони «Падидаи сол» (2010)-ро ҳам дошт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.