22.9 C
Dushanbe

Даргузашти Нур Табаров дар Тоҷикистон

Нависандаи шинохта ва собиқ ва вазири фарҳанги Тоҷикистон Нур Табаров дар шаҳри Душанбе даргузашт.

Дирӯз, 14-уми августи соли 2022 Нур Табаров, собиқ вазири фарҳанги Тоҷикистон, журналист ва яке аз нависандаҳои шинохтаи кишвар дар синни 81-солагӣ дар шаҳри Душанбе вафот кард.

Бино ба иттилои хабаргузории “Азияплюс, “Нур Табар (Нурмуҳаммад Табаров) 15 июли соли 1941 дар деҳаи Ғешии ноҳияи Кофарниҳон (Ваҳдат) ба дунё омадааст. Соли 1962 факултаи филологияи тоҷики Донишгоҳи давлатии Тоҷикистон ба номи В. И. Ленин, соли 1970 шуъбаи рӯзноманигории Мактаби олии ҳизбии Маскавро ба итмом расондааст.

Нур Табар муаллифи беш аз понздаҳ маҷмуаи ҳикояву намоишнома ва очерку мақолаҳост. Аз соли 1960 ба эҷоди бадеӣ шуғл варзида, осори мансуру драмавии ӯ дар маҷмӯаҳои «Роҳҳои дуру наздик» (1977), «Ин баҳор чӣ меорад?» (1983), «Дарёи нур» (ҳамроҳи Раҷаб Мардон; (1985), «Дар чорсӯ» (1986), «Чорсӯ» (2000) ва ғайра дастраси хонандагон гардидаанд.”

Нур Табаров пеш аз он ки ҳамчун коммунисти сарсахт ва як нависанда ном барорад, вай як журналисти шинохта ҳам буд, ки ба гуфти ҳолдонҳо авҷи фаъолиятҳои кории ӯ дар соҳаи журанлистика дар рӯзномаи “Тоҷикистони советӣ” сабт шудаанд.

Вай дар рӯзномаҳои “Комсомоли Тоҷикистон”, “Комсомолская правда” дар Тоҷикистон, “Навиди Бозаргон”, ва ҳамчун сармуҳаррири маҷаллаи “Помир” кор кардааст ва дорандаи ҷоизаи ба номи Абулқосим Лоҳутӣ дар Тоҷикистон буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.

Боздошти боз як тоҷик дар Русия

Дар шаҳри Твери Русия як гумонбари дигар дар робита ба ҳамлаи террористӣ дар "Крокус Сити Ҳолл"-и Красногорск боздошт шуд.