Сафири ҷадиди Тоҷикистон дар Озарбойҷон аз президенти ин кишвар хост, ки барои роҳандозии парвозҳои мустақим байни ду кишвар мусоидат кунад.
Бино ба иттилои расмӣ, 18-уми августи соли 2023 Илҳом Абдураҳмон, сафири ҷадиди фавқулъодда ва мухтори Тоҷикистон дар Озарбойҷон ба прзединти ин кишвар Илҳом Алиев эътимоднома супорид.
Дар рафти ин дидор ва супоридани эътимоднома Илҳом Абдураҳмон, сафири ҷадиди Тоҷикистон дар Озарбойҷон ба президенти ин кишвар Илҳом Алиев гуфт, боз шудани хатсайрҳои мустақими парвоз байни Душанбе ва Боку ба тавсеаи ҳамкорҳо дар бахши гардишгарӣ кумак мекунад.
Вазорати корҳои хориҷии Тоҷикистон ҳам гуфта, ки дар рафти мулоқоте, ки баъди супоридани эътимоднома сурат гирифт, “масъалаҳои рушди ҳамкориҳои дуҷониба ва бисёрҷонибаи Тоҷикистону Озарбойҷон мавриди баррасӣ қарор гирифтанд.”
Гуфта мешавад, Илҳом Абдурраҳмон, ҳамчун як дипломати шинохта дар Тоҷикистон аст. Вай дар корномаи худ, кор ба ҳайси Консули генералии Тоҷикистон дар шаҳри Истанбули Туркия ва Консули генералии Тоҷикистон дар шаҳри Дубайи Имороти Муттаҳидаи Арабиро дорад.
