35.9 C
Dushanbe

Дархости пайвандони Далер Шарифов аз ҷониби Вазорати адлия рад шуд

Идораи зиндонҳои Вазорати адлияи Тоҷикистогн дархости Далер Шарифов, рӯзноманигори зиндонии тоҷикро барои пеш аз муҳлат озод карданаш рад кардааст. Далели рад шудани дархост аз сӯйи ин ниҳод шарҳ дода нашудааст.

Наздикони Далер Шарифов як моҳ пештар аз Идораи зиндонҳои Тоҷикистон дархост карда буданд, ки  Далерро пеш аз муҳлат озод намоянд, рӯзи 18-уми сентябр посухи рад дарёфт кардаанд.

Падари Далер Шарифов, Абдуманон Шарифов ба Радиои Озодӣ гуфтааст: “вазъи саломатии писараш хуб нест ва ҳамчунин дар зиндон як навъ фишори равониро эҳсос мекунад”.

Далер Шарифов яке аз мунтақидони низом дар кишвар буд, ки моҳи апрел   аз сӯйи Додгоҳи ноҳияи Шоҳмансури Душанбе барои як сол равонаи зиндон гардид. Чанде пеш наздикони ин рӯзноманигори зиндонӣ гуфта буданд, ки бояд ӯро 5 июл ба маҳбаси сукунатӣ мегузарониданд, вале то ҳол нагузарониданд.

Дар таърихи 28-уми январи соли 2020 Далер Шарифов, аз тарафи  Кумитаи давлатии амнияти миллӣ боздошт шуда буд, ки ба гуфтаи пайвандонаш кормандони КДАМ ӯро бо роҳи фиреб ба назди худ хонда буданд. Дар замони боздошти Далер гуфта мешуд, ки нафаре худро аз шиносҳои ӯ муаррифӣ карда ба наздаш хондааст. Ба назари коршиносон ба ин шевае, ки КДАМТ барои дастгир намудани рӯзноманигор Далер Шарифов истифода намудааст, худ ҷиноят маҳсуб мешавад.

16-уми апрел додгоҳи ноҳияи Шоҳмансури пойтахт Далерро бо иттиҳоми “барангехтани кинаву адовати милливу мазҳабӣ” барои як сол равонаи зиндон кард.

Парвандаи Далер яке аз қазияҳои пурсару садои сол ҳам дар ҷомеаи тоҷик ва ҳам дар сатҳи байналмиллалӣ буд. Додситонии кулли Тоҷикистон баъди боздошти ин рӯзноманигор, дар як изҳорот ӯро ба навиштани 200 мақолаи дорои мазмуни экстремистӣ тайи солҳои 2013 -2019  муттаҳам кар,  наздиконаш ин иттиҳомотро рад мекунанд.

Созмонҳои байналмиллалӣ оиди ҳуқуқи башар, аз ҷумла созмонҳои Дидбони Ҳуқуқи Башар, Авфи Байналмилал, Кумитаи дифоъ аз хабарнигорон ва чанди дигар аз ҳукумати Тоҷикистон хоста буданд, ки Далер Шарифовро озод кунад. Ҳатто Созмони ҳомии ҳуқуқӣ “Freedom-Now” ба як гурӯҳи махсуси Созмони Милали Муттаҳид расман муроҷиат карданд, ки то куҷо қонунӣ будани боздошт ва зиндонӣ кардани Далер Шарифовро таҳқиқ кунанд ва хулосаҳояшро бигӯянд, вале то ҳол аз ҷониби Тоҷикистон ҷавоб гардонида нашудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.