14.9 C
Dushanbe

Дастгоҳи Президент ба номаи Раҷаби Мирзо посух дод, “облава” барҳам мехӯрад?

Дастгоҳи иҷроияи Пезиденти Тоҷикистон бо имзои муовини аввали раиси ин идора Ф. Ҳаётзода ба номаи саркушодаи Раҷаби Мирзо ва дигарон, ки ба номи президент Эмомалӣ Раҳмон ирсол шуда буд, посух дод.

Дастгоҳи Президент номаро барои баррасӣ ба вазири мудофиа Шералӣ Мирзо, вазири корҳои дохилӣ Рамазон Раҳимзода ва додситони кулли кишвар Юсуф Раҳмон, фиристодааст. Ҳамчунин аз масъулини дар боло зикр шуда, хоҳиш шудааст, ки аз натиҷааш ба таври хаттӣ ҳам ба Дастгоҳи Президент ва ҳам ба соҳибони нома хабар диҳанд.

Дар ин бора Раҷаби Мирзо рӯзноманигори шинохта рӯзи шанбе дар саҳфаи фейсбукиаш хабар дод. Ба гуфтаи Раҷаби Мирзо номаи саркушодаро рӯзи 10-уми апрел ба сомонаи расмии Президенти Тоҷикистон фиристода буд ва баъд аз як ҳафта ба он нома вокуниши аввалӣ сурат гирифт.

Дар идома рӯзноманигор изҳори умедворӣ намудааст, ки мақомоти ба он вобасташуда салоҳиятнокиву пурмасъулиятӣ нишон медиҳанд.

Ёдовар мешавем, ки Раҷаби Мирзо рӯзи 9-уми апрел номаи саркушодаеро бо номи “Моро аз ин шармандагӣ раҳо созед!” нашр кард, ки зери он садҳо нафар имзо гузоштанд. Ин нома ба унвони Президенти Тоҷикистон  Эмомалӣ Раҳмон, раиси Дастгоҳи Президент Озода Раҳмон ва раиси Маҷлиси миллӣ Рустами Эмомалӣ навишта шуда.

Ӯ дар нома аз роҳбарони аввали Тоҷикистон тақозо кард, ки ба таҷрибаи нангини “облава”, яъне зӯран дар кӯчаву бозорҳо доштан ва ба артиш равон кардани ҷавонони синну соли хидматӣ нуқта гузоранд. Зеро ин кор поймол кардани ошкори ҳуқуқу озодиҳои шаҳрвандон мебошад.

Раҷаби Мирзо дар нома аз он нигаронӣ карда буд, ки аз сабаби дар кӯчаҳо беҳуда дастгир намудани ҷавонону маҷбуран бурдани онҳо ба сафи Қувваҳои мусалаҳ, модарон барои берун баромадан, ба кор рафтан ва ё ба дарс рафтани фарзандонашон тарсон шудаанд.

Дар нома аз Президент хоҳиш шуда, ки бо як дастури худ ба мақомот ҳушдор диҳад, то пеши роҳи шармандагӣ ва қонуншиканӣ ҳарчӣ зудтар гирифта шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.