33.9 C
Dushanbe

Даъвати Эмомалӣ Раҳмон ба сулҳу суботи сиёсӣ дар Тоҷикистон

Президенти Тоҷикистон дар арафаи моҳи шарифи Рамазон мардум ва сокинони кишварро ба сулҳу оромӣ ва ҳифзи суботи сиёсӣ даъват кард.

Бино ба иттилои расмӣ, имрӯз, 22-юми марти соли 2023 Президенти Тоҷикистон, ки бо сафари корӣ дар Амрико ҳузур дорад, мардуми кишварро ба қудуми моҳи шарифи Рамазон табрик карда, гуфт, ки ба хотири таъмини амнияти озуқаворӣ “бештар заҳмат” кашед.

Эмомалӣ Раҳмон зимни табрикоташ мардумро бори дигар ба захира кардану хайрот додан даъват кард ва ҳамзамон ҳушдор дод, ки барои давлат таъмин намудани аҳолӣ бо маводи озуқаворӣ душвор шудааст: “масъалаи таъмин намудани аҳолӣ бо маводи ғизоӣ дар аксари кишварҳои дунё, хусусан, солҳои охир ба мушкилоти ҷиддӣ табдил ёфтааст.”

Ба назар мерасад, дар замоне ки вазъ дар ҷаҳон хеле тағйирёбанда шудааст, то ҷое аз мақоми худ ҳарос дорад ва бо ёдоварӣ аз таълимоти исломӣ мегӯяд, “дини мубини ислом мардумро ба таҳким бахшидани ҳамдигарфаҳмиву ҳамбастагӣ, сулҳу оромӣ, сабру таҳаммул ва дигар аъмоли писандидаи инсонӣ даъват ва ҳидоят мекунад.”

Гуфта мешавад, Президенти Тоҷикистон вазъияти ҷаҳонро “ниҳоят ҳассос ва осебпазир” хонда, дар ин паёми табрикотӣ мардум ва сокинони кишварро ба таъмини амнияти озуқаворӣ ва ҳифзи сулҳу суботи сиёсӣ дар кишвар даъват мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.