22.9 C
Dushanbe

Давоми 8 моҳ ҳазорҳо ширкати тиҷоратӣ дар Тоҷикистон фаъолияти худро қатъ карданд

Акс аз “Ozodi”

Дар Тоҷикистон тибқи омори расмӣ аз моҳи январ то моҳи августи соли равон беш аз 13 ҳазор ширкати хурду миёна фаъолияташонро қатъ кардаанд.

Соли равон Бонки ҷаҳонӣ Тоҷикистонро дар миёни 190 кишвари ҷахон аз нигоҳи осонии роҳандозии тиҷорат дар мақоми 183 гуфта буд. Вале баъди интишори вируси COVID-19 дар ҷаҳон, вазъ дар Тоҷикистон дуҳвортар шуд. Коршиносон яке аз сабабҳои баста гардидани ширкатҳоро андозӣ баланд ва санҷишҳои пайдарпайи мақомот медонанд.

Элмас Бархонова, маркетолог ё бозоршинос ба Озодӣ мегӯяд, ки тиҷорат дар Тоҷикистион хеле беҳаракат аст. Ба назари ӯ, соҳибкорони маҳаллӣ дар бештари маврид ба тағйироти бозор омода набуданд. Аммо соҳибкорон худашон сабаби баста гардидани ширкатҳоро санҷишҳои пайдарпай ва андози баланди кормандони андоз медонанд.

Як соҳибкор дар шаҳри Душанбе ба “Аздо тв” гуфт, “Сабаби асосии қатъи фаъолияти бештари ширкатҳо ба кормандони андоз ва дигар мақомот вобаста аст”.

Ба гуфтаи ин соҳибкор бештар аз 10 ниҳод соҳибкоронро тафтиш мекунанд, ки ин кори онҳоро душвор кардааст. Манбаъ афзуд, ниҳодҳои марбута яке пас аз дигарӣ пайҳам меоянд, мисле, ки бо ҳам машварат карда бошанд. Боз ба бар замми ин агар сардори андози минтақа иваз шуд, рӯзи соҳибкор сиёҳ мешавад, ӯ боз ҳақи худро мегузорад, соҳибкор маҷбур аст ҳақи ӯро низ бидиҳад. Дар ҳолати сарпечӣ кардан, андози баланд мебандад, ки дар натиҷа тиҷоратат варшикаста мешавад. Инҳо ҳама сабаб шудаанд, ки солона садҳо соҳибкор фаъолияти худро дар кишвар қатъ бикунад. Дар ҳамин ҳол аксари ширкатҳои нафарони наздик ба Эмомалӣ Раҳмон аз пардохти боҷу андоз озоданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.