Ҳуқуқ

Дидбони ҳуқуқи башар аз Тоҷикистон хост, журналистони зиндониро озод кунад

Созмони Дидбони ҳуқуқи башар бо нашри як баёния боздошт ва зиндонӣ кардани рӯзноманигорони тоҷикро маҳкум кард ва хостори озодии онҳо шуд.

Имрӯз, 22-уми июни соли 2022, созмони Дидбони ҳуқуқи башар бо нашрия як баёния гуфт: "Интиқод аз ниҳодҳои давлатӣ ҷиноят нест ва блогерҳо бояд фавран озод карда шаванд ва ҳамаи иттиҳомот алайҳи онҳо бекор карда шавад."

Дар баёнияи ин созмон дасти кам номи 5 рӯзноманигор ва блогнависи зиндонии тоҷик Далери Имомалӣ, Абдулло Ғурбатӣ, Улфатхоним Мамадшоева, Ҳушом Ғулом ва Мамадсултон Мавлоназаров маъруф ба Муҳаммади Султон зикр шудааст.

Инчунин созмони Дидабони ҳуқуқи башар латукӯби хабарнигорони Радиои Озодӣ аз он ҷумла Муллораҷаб Юсуфиро низро дар ин баёнияи худ маҳкум кардааст.

Ин ҳам дар ҳолест, ки дар зарфи як моҳи ахир хабару гузоришҳои зиёде дар бораи так таки ин журналистон расонаӣ шуда буд ва онҳо гуфта мешуд, ки пеш аз боздошт онҳоро таҳдиду бозпурсӣ кардаанд ва мавриди шиканҷаи мақомот қарор гирифтани онҳо, расонаӣ шуда буд.

Гуфта мешавад, тайи як моҳи ахири мақомоти интизомии Тоҷикистон таҳдиду фишорҳои худ алайҳои рӯзноманигорону блогнависон ва хеле аз корбарони фаолони шабакаҳои иҷтимоиро афзоиш додаанд.

Инчунин тамоми ин афроде, ки айни замон дар пушти миллаҳои зиндон ба сар мебаранд, рӯзноманигорон ва блогнависони тоҷикистоние ҳастанд, ки дар хеле мавридҳо нисбат ба бархе сиёсатҳои ҳукумати Эмомалӣ Раҳмон назарҳои интиқодӣ доранд ва акнун пеш аз дигарон худи онҳо қурбонии дидгоҳои интиқодӣ ва фошгӯиҳояшон гардидаанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҳуқуқ

Ҳуқуқ

Русия: ғайб задани Эмомалӣ Холов аз боздоштгоҳ

Ҳуқуқ

Боздошту истирдоди ду тан аз бадахшониҳои муқими Русия ба Тоҷикистон

Ҳуқуқ

Фаолони Бадахшон аз 5 то 18 соли зиндон ҳукм гирифтанд

Ҳуқуқ

Вохӯрии Далер бо ҳамсараш дар СИЗО