Дидори генерали амрикоӣ Фрэнк Маккензӣ бо Эмомалӣ Раҳмон
Pӯзи 22 феврал фармондеҳи ситоди марказии артиши Амрико генерал Фрэнк Маккензӣ, бо сафари корӣ ба Душанбе омада, бо президенти Тоҷикистон Эмомалӣ Раҳмон мулоқот кардааст.
Зимни мулоқот як қатор масъалаҳои ҳамкории Тоҷикистон ва ИМА, бахусус дар масъалаи амният гуфтугӯ анҷом ёфт. Дар ин робита, ба масъалаҳои асосии таъмини сулҳу суботи минтақавӣ ва таҳдидҳову чолишҳои амнияти ҷаҳонӣ таъкид шуд. Ҷонибҳо инчунин вазъи кунунии Афғонистон ва раванди музокироти сулҳ дар кишвари ҳамсоя бо Тоҷикистонро баррасӣ карданд.
Дар хабар омада, ки раисҷумҳури Тоҷикистон Эмомалӣ Раҳмон зимни дидор бо генерали амрикоӣ Фрэнк Маккензӣ аз раванди сулҳи Афғонистон ҷонибдорӣ намуда, таъкид дошта, ки беҳтар шудани вазъ дар Афғонистони ҳамсоя ҳамеша мавриди таваҷҷӯҳи "Душанбе" қарор дорад.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.